کۆبوونەوەی سەرۆک مەسعود بارزانی و بافڵ جەلال تاڵەبانی لە پیرمام. وێنە: بارەگای بارزانی
رووداو دیجیتاڵ
سەرچاوەیەک لە مەکتەبی سیاسیی یەکێتیی نیشتمانیی کوردستان بە رووداوی راگەیاند، بافڵ تاڵەبانی و سەرۆک بارزانی لە پیرمام کۆبوونەتەوە.
بەگوێرەی سەرچاوەکە، کۆبوونەوەکە لەبارەی بارودۆخی ئێستای هەرێمی کوردستان و پێکهێنانی کابینەی نوێی حکومەتی هەرێمی کوردستان بووە.
رووداو زانیویەتی، نێوەڕۆکی کۆبوونەوەکەی بافڵ تاڵەبانی، سەرۆکی یەکێتی و سەرۆک بارزانی سێ خاڵ بووە، کە بریتی بوون لە: باسکردن لە رێککەوتن و هەناردەکردنەوەی نەوتی هەرێمی کوردستان، هەڵبژاردنی پەرلەمانی عێراق کە بڕیارە 11-11-2025ی ئەم ساڵ بەڕێوەبچێت، هەروەها پێکهێنانی کابینەی نوێی حکومەتی هەرێمی کوردستان بەشێکی سەرەکیی کۆبوونەوەکە بووە.
.jpeg "پێشوازیی سەرۆک بارزانی لە بافڵ تاڵەبانی")
بەگوێرەی زانیارییەکانی تۆڕی میدیایی رووداو، کۆبوونەوەکە نیوەڕۆی ئەمڕۆ بووە و کەمێک پێش ئێستا کۆتایی هاتووە.
بافڵ تاڵەبانی لە فڕۆکەخانەی نێودەوڵەتیی هەولێرەوە دەگەڕێتەوە سلێمانی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ