رووداو دیجیتاڵ
لە رووداوێکی هاتووچۆدا لە نزیک سماقووڵی لە سنووری قەزای رانیەی ئیدارەی سەربەخۆی راپەڕین، سێ کەس گیانیان لەدەستدا و دووی دیکەش بریندارن.
عەلی عەبدوڵڵا، گوتەبێژی هاتووچۆی راپەڕین بە تۆڕی میدیایی رووداوی گوت: "رووداوەکە نزیک کاژێر 01:30 بەرەبەیانی ئەمڕۆ لەنێوان بارهەڵگرێک و ئۆتۆمبێلێکی تایبەتدا روویداوە".
گوتەبێژی هاتووچۆی راپەڕین دەڵێت، لە ئۆتۆمبێلە تایبەتەکەدا پێنج کەس هەبوون، سێیان گیانیان لەدەستداوە و دووەکەی دیکەش بریندارن.
پۆلیسی ئێشگکریی هاتووچۆی راپەڕین چووەتە شوێنی رووداوەکە و پەڕاوی یاسایی کردووەتەوە.
عەلی عەبدوڵڵا گوتی: "هەر پێنج قوربانییەکە لە رەگەزی نێرن و نەتەوەی عەرەبن".
تەرمی ئەوانەی گیانیان لەدەستداوە براونەتە دادپزیشکی رانیە و بریندارەکانیش رەوانەی نەخۆشخانەی فریاکەوتن کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ