رووداو دیجیتاڵ
بەهۆی جەنگی نێوان ئیسرائیل و ئەمریکا لەگەڵ ئێران، دەروازەی نێودەوڵەتیی حاجی ئۆمەران لە سنووری پارێزگای هەولێر داخرا و لە دەروازەکانی پارێزگای سلێمانی هاتووچۆ ئاساییە.
سەرچاوەیەکی بەرپرس لە دەروازەکەوە بە تۆڕی میدیایی رووداوی گوت: "لایەنی ئێرانی هاتووچۆی بازرگانی و گەشتیاری لە دەروازەی حاجی ئۆمەرانەوە راگرت".
مەریوان کەریم، گوتەبێژی دەروازەی نێودەوڵەتیی باشماخیش لە پارێزگای سلێمانی، ئەمڕۆ بە تۆڕی میدیایی رووداوی گوت: "تاوەکو ئێستا هاتووچۆی گەشتیاری و بازرگانی بەردەوامە".
هەر ئەمڕۆ پەیامنێری رووداو چووە دەروازەی شووشمێ لە سنووری پارێزگای هەڵەبجە و رایگەیاند: "هاتووچۆی بازرگانی و گەشتیاری بەردەوامە".
هەروەها عەباس عەزیز، بەڕێوەبەری گومرگی ئیدارەی سەربەخۆی راپەڕین بە تۆڕی میدیایی رووداوی گوت: "هاتووچۆی گەشتیاری لە دەروازەی کێلێ سست بووە، تەنیا گەشتیاری ئێرانی دەگەڕێتەوە و گەشتیاری عێراقیش لە رۆژهەڵاتەوە دێنەوە".
عەباس عەزیز گوتی: "تاوەکو ئێستا رێگە نەدراوە بارهەڵگر لە دیوی هەرێمی کوردستانەوە بچێتە ئێران".
بەهۆی جەنگەکەوە کە ئەمڕۆ 28ـی شوبات دەستیپێکرد، ئاسمانی هەرێمی کوردستان و عێراق بە رووی جووڵەی فڕۆکەدا داخران.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ