رووداو دیجیتاڵ
بەرپرسێکی پارێزگای کەرکووک رایدەگەینێت، رێگەی کەرکووک - چەمچەماڵ نۆژەن دەکرێتەوە و رەمەزاندی وەزارەتی ئاوەدانکردنەوە و نیشتەجێبوونی عێراقی بۆ دەرچووە.
رۆژی پێنجشەممە 28ـی ئاداری 2024، خەبات ئەسعەد، راوێژکاری کاروباری ئاوەدانکردنەوەی پارێزگاری کەرکووک بە وەکالەت بە تۆڕی میدیایی رووداوی راگەیاند، وەزارەتی ئاوەدانکردنەوە و نیشتەجێبوون و شارەوانییەکانی عێراق رەزامەندیی لەسەر نۆژەنکردنەوە و چاککردنەوەی رێگەی نێوان کەرکووک - چەمچەماڵ دەربڕیوە.
بەگوتەی ئەو بەرپرسە، 40 ملیار دینار بۆ نۆژەنکردنەوە و چاککردنەوەی رێگەکە تەرخانکراوە، رێگەکە دووسایدە بە پانی 36 مەتر دەبێت، هەر سایدێکی 12 مەتر دەبێت و شۆستەکەشی 12 مەتر دەبێت بۆ ئەوەی ئەگەر پێویست بکات لە داهاتوودا بتوانرێت فراوان بکرێت.
خەبات ئەسعەد، دەڵێت نۆژەن و چاککردنەوەکە لەبەردەم کۆلیژی قەڵەم دەستپێدەکات تاوەکو بانی مەقان، بڕیارە بەم نزیکانە تەندەرینی بۆ بکرێت تاوەکو بدرێتە بەڵێندەر.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ