رووداو دیجیتاڵ
نۆژەنکردنەوەی مەزارگەکان لە پەرستگەی لالش بەردەوامە و ئەمڕۆش دیزاینی مەزارگەی شێخ مەند پاشا تەواوبوو و دەست بە جێبەجێکردنی پلانی نۆژەنکردنەوەی کرا.
خەیری بۆزانی، بەڕێوەبەری گشتیی کاروباری ئێزدییەکان لە وەزارەتی ئەوقاف و کاروباری ئایینی هەرێمی کوردستان بە تۆڕی میدیایی رووداوی راگەیاند، لەکۆتایی ساڵی 2018ـەوە دەست بە نۆژەنکردنەوەی پەرستگەی لالش کراوە و تاوەکو ئێستاش کارێکی زۆر باش کراوە.
خەیری بۆزانی ئاماژەی بەوەکرد، زیاتر لە 100 مەزار لە پەرستگەی لالش هەن و تاوەکو ئێستا زیاتر لە 20 دانەیان نۆژەنکراونەتەوە.
لە چەند هەفتەی رابردوودا جەخت لەوە کرایەوە، دەبێت دیزاینێکی تایبەتی و جیاواز بۆ مەزارگەی شێخ مەند پاشا دیاری بکرێت و ئەمڕۆش دیزاینەکە پەسندکرا و بە ئامادەبوونی پیاوانی ئایینی و لیژنەی سەرپەرشتیکردنی نۆژەنکردنەوەی لالش و پیاوماقووڵانی خێڵی هەوێریا دەست بە نۆژەنکردنەوەی مەزارگەی شێخ مەند پاشا کرا.
پەرستگەی لالش گەورەترین پەرستگەی کوردانی ئێزدییە لە جیهاندا؛ لە باکووری شێخان لەنێوان سێ چیادا هەڵکەوتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ