هەڵەیەک روویدا! دووبارە هەوڵبدە
رووداو رووداو
لیژنەی باڵای جێبەجێکردنی مادەی 140، ناوی 201 عەرەبی هاوردەی بڵاوکردەوە چەکی قەرەبووکردنەوە وەردەگرن، بۆ ئەوەی لە کەرکووکەوە بگەڕێنەوە بۆ زێدی خۆیان.
29ـی تەممووزی 2025، کاکەڕەش سدیق، ئەندامی لیژنەی باڵای جێبەجێکردنی مادەی 140 بە تۆڕی میدیایی رووداوی راگەیاند: "ئەو 201 کەسە مامەڵەکانیان بۆ قەرەبووکردنەوە تەواو بووە و چەکە بانکییەکانیان لە بەغدا وەردەگرن و سەرجەمیان عەرەبی هاوردەی کەرکووکن."
بەگوێرەی مادەی 140، هەر ئاوارەیەک 10 ملیۆن دینار و هەر عەرەبێکی هاوردەش 20 ملیۆن دینار وەک قەرەبوو وەردەگرێت.
کاکەڕەش سدیق رایگەیاند: "ئەو عەرەبە هاوردانە لەڕێگەی دادنووسەوە بەڵێننامەیان پێ پڕدەکرێتەوە کە لەدوای وەرگرتنی قەرەبووەکە نەگەڕێنەوە بۆ کەرکووک، ئەگەرنا رێکاری یاسایی لەدژیان دەگیرێتەبەر و ئەگەر بگەڕێنەوەش ناتوانن بەشداریی هەڵبژاردن بکەن."
لە یاسای بودجەی گشتیی عێراقدا، 200 ملیار دینار بۆ قەرەبووکردنەوەی ماددەی 140 تەرخانکراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ