هەڵەیەک روویدا! دووبارە هەوڵبدە
رووداو دیجیتاڵ
ئاگر لە تاڵاوی داشخانەی مهاباد کەوتووتەوە و تاوەکو ئێستا کۆنترۆڵ نەکراوە.
ئەمڕۆ سێشەممە 29ی تەممووزی 2025 محەممەد ئیبراهیم نەژاد، هاونیشتمانی لە مهاباد بە رووداوی راگەیاند، "بەیانیی ئەمڕۆ ئاگر لە تاڵاو (گۆم)ی داشخانەی مهاباد کەوتووەتەوە و تاوەکو ئێستا کۆنترۆڵ نەکراوە."
محەممەد ئیبراهیم نەژاد گوتیشی، "چەند کاژێرێکە ئاگرەکە زۆر تەشەنەی سەندووە بەهۆی ئەوەی رێگە نییە تیمەکانی ئاگرکوژێنەوە بگەنە شوێنەکە، تاوەکو ئێستاش (کاژێر 7:00ی ئێوارە) کۆنترۆڵ نەکراوە."
ئەو هاونیشتمانییەی مهاباد ئاماژەی بەوەش کرد، "دوو تیمی ئاگرکوژێنەوە لە شوێنی رووداوەکەن و هەوڵی کۆنترۆڵکردنی ئاگرەکە دەدەن."
لەبارەی هۆکاری ئاگر کەوتنەوەکە بەڕێوەبەری ئاگرکوژێنەوەی مهاباد رایگەیاندووە، هۆکارەکەی دیار نییە و لێکۆڵینەوە دەکەن.
تاڵاوی داشخانە 35 کیلۆمەتر لە ناوەندی شاری مهابادەوە دوورە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ