رووداو دیجیتاڵ
زیاتر لە هەفتەیەکە شەپۆلێکی گەرمای تووند هەرێمی کوردستانی گرتووەتەوە. کەشناسیی هەرێمی کوردستان رایگەیاند، سبەی شەپۆلی گەرما کۆتایی دێت.
کەشناسیی هەرێمی کوردستان رایگەیاند: "ئەمڕۆ پلەی گەرما هەر بە بەرزی دەمێنێتەوە. سبەى چوارشەممە کاریگەرى ئەم شەپۆلە گەرمایە لەسەر ناوچەکەمان کۆتایی دێت و پلەى گەرما دەگەڕێتەوە ئاستى ئاسایی ئەم وەرزە".
کەشناسی رایگەیاندووە، پێشبینی دەکەن پلەی گەرما 3 بۆ شەش پلە دابەزێت و لە سبەی چوارشەممەوە تاوەکو چوارشەممەی داهاتوو هیچ شەپۆلێکى گەرما ناوچەکە ناگرێتەوە.
شاڵاو هیدایەت، شارەزای کەشناسی بە رووداوی گوت: "دابەزینی پلەی گەرما کە سبەی دەستپێدەکات، بەردەوام دەبێت و رۆژانی دواتریشی یەک بۆ دوو پلەی دیکە دادەبەزێت".
شاڵاو هیدایەت گوتی: "تاوەکو 05ـی ئاب کەس لە دۆخی ئاساییدایە، بەڵام لەنێوان 05 بۆ 10ـی ئاب، ئەگەری شەپۆلێکی تووندی گەرما هەیە".
بە گوێرەی کەشناسیی هەرێمی کوردستان، سبەی پلەی گەرما بەمشێوەیە دەبێت:
هەولێر: 42 پلەی سیلیزی
سلێمانی: 41 پلەی سیلیزی
دهۆک: 41 پلەی سیلیزی
کەرکووک: 45 پلەی سیلیزی
زاخۆ: 43 پلەی سیلیزی
هەڵەبجە: 42 پلەی سیلیزی
سۆران: 41 پلەی سیلیزی
حاجی ئۆمەران: 33 پلەی سیلیزی
گەرمیان: 45 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ