رووداو دیجیتاڵ
بەگوێرەی فەرمانێکی وەزاری، کە لەلایەن وەزارەتی گواستنەوە و گەیاندن دەرچووە، سەرجەم کۆمپانیاکانی مۆڵەتپێدراوی بواری گەیاندن لە هەرێمی کوردستان پابەند کراون بە قەدەخەکردنی یاریی رۆبڵۆکس لەنێو پاکێجی ئینتەرنێتی خێزانی.
فەرمانە وەزارییەکە رۆژی پێنجشەممە 30ـی تشرینی یەکەمی 2025 دەرچووە و گشتاندنی بۆ سەرجەم کۆمپانیاکانی مۆڵەتپێدراوی بواری گەیاندنی سەر بە وەزارەتی گواستنەوە و گەیاندنی هەرێمی کوردستان بۆ کراوە.
زیادکردنی یاریی رۆبلۆکس بۆ لیستی بەرنامە و ماڵپەڕە سانسۆڕکراوەکان لەکاتێکدایە کە 31ـی ئابی 2025، وەزارەتی گواستنەوە و گەیاندن، لە رێگەی پاکێجی خێزانییەوە هەموو سایتە نەشیاوەکان و گرتە ڤیدیۆییە تووندوتیژییەکانی لە هەرێمی کوردستان سانسۆر کرد.
فەرمانەکە بە واژۆی ئانۆ جەوهەر، وەزیری گواستنەوە و گەیاندنی هەرێمی کوردستان ئاراستەی سەرجەم لایەنە پەیوەندیدارەکان کراوە.
یاریی رۆبڵۆکس لەلایەن رۆبڵۆکس کۆرپەرەیشن دروستکراوە. یارییەکە لە ویندۆس، ئای ئۆ ئێس، ئەندرۆیس. ئێکس بۆکس و پلەی ستەیشن بەردەستە.
ئەو یارییە بۆ یەکەمجار ساڵی 2006 کارا کرا. زۆربەی ئەوانەی یاریی رۆبڵۆکس دەکەن، تەمەنیان خوار 16 ساڵە.
19ـی تشرینی یەکەمی 2025 وەزارەتی گەیاندنی عێراقیش قەدەخەکردنی یارییەکەی راگەیاند.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ