رووداو دیجیتاڵ
سەرۆکی هەرێمی کوردستان، لە کۆبوونەوەیەکدا لەگەڵ وەزیری هەرێم بۆ کاروباری پێکهاتەکان، جەختی لە پابەندیی هەرێمی کوردستان بە پاراستن و برەودان بە کولتووری پێكهوهژيان و مافی هەموو پێکهاتەکان کردەوە.
بەپێی راگەیێندراوێکی سەرۆکایەتیی هەرێمی کوردستان، ئەمڕۆ پێنجشەممە 31-07-2025، نێچیرڤان بارزانی، سەرۆکی هەرێمی کوردستان پێشوازیی لە ئایدن مەعرووف، وەزیری هەرێم بۆ کاروباری پێکهاتەکان و شاندێکی یاوەری کرد.
لە دیدارەکەدا، سەرۆکی هەرێمی کوردستان "داکۆکیی لە هاووڵاتیبوون و ماف و ئەرکەکانی هەموو پێکهاتەکانی کردەوە" و پابەندیی هەرێمی کوردستانی بە پاراستنی کولتووری لێبوردەیی و یەکترقبووڵکردن دووپاتکردەوە.
لای خۆیەوە، ئایدن مەعرووف، وێڕای ستایشکردنی کولتووری پێكهوهژیان لە هەرێمی کوردستان، جەختی لە گرنگیی بەشداریی کارای پێكهاتهكان لە هەموو بوارەکانی ژیاندا کردەوە.
.jpg "وێنەیەکی دیکەی کۆبوونەوەکە")
دەقی راگەیێندراوەکەی سەرۆکایەتیی هەرێمی کوردستان:
پێشنیوهڕۆى ئهمڕۆ پێنجشهممه 2025/7/31 بهڕێز نێچيرڤان بارزانى، سهرۆكى ههرێمى كوردستان، پێشوازيى له بهڕێز ئايدن مهعرووف، وهزيرى ههرێم بۆ كاروبارى پێكهاتهكان و شاندێكى ياوهرى كرد و له ديدارێكدا، دۆخى پێكهاتهكان و هاوبهشى و بهشدارييان له ژيانى سياسى و كارگێڕيى ههرێمى كوردستاندا تاوتوێ كرا.
سهرۆك نێچيرڤان بارزانى پابهنديى ههرێمى كوردستانى به پاراستن و برهودان به كولتوورى پێكهوهژيان و يهكترقبووڵكردن و لێبوردهيى لهنێوان تهواوى پێكهاته كوردستانييهكاندا دووپات كردهوه، ههروهها داكۆكیى له هاووڵاتيبوون و ماف و ئهركهكانى ههموو پێكهاتهكان كرد.
لاى خۆيهوه بهڕێز ئايدن مهعرووف، وێڕاى دهربڕينى ستايش و پێزانينى پێكهاتهكان بۆ كولتوورى پێكهوهژيان له ههرێمى كوردستان، جهختى له ڕۆڵ و هاوبهشى و بهشداريى پێكهاتهكانى گهلى كوردستان له ههموو كايهكانى ژياندا كردهوه.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ