رووداو دیجیتاڵ
کەشناسیی هەرێمی کوردستان رایگەیاند، ئەمشەو ئاسمان پەڵەهەور دەبێت و کەشوهەوا جێگیر دەبێت. کەشناسێکیش دەڵێت، لە کاژێرەکانی کۆتا شەوی ساڵدا پلەی گەرما لە نزیکەی 10 پلەی سیلیزیدا دەبێت.
ئەمڕۆ یەکشەممە، 31-12-2023، کەشناسیی هەرێمی کوردستان رایگەیاند، ئەمڕۆ و سبەی ئاسمان پەڵەهەور بۆ نیمچە هەور دەبێت؛ پلەی گەرما نزیک دەبێتەوە لە تۆمارکراوەکانی دوێنێ.
لەبارەی کەشوهەوای شەوی سەری ساڵەوە، ئاراس جەبار، شارەزای کەشناسی بە رووداوی گوت: "لەنێوان کاژێرەکانی 08:00ـی شەو بۆ 12:00ـی شەو پلەی گەرما لە هەولێر و سلێمانی 10 بۆ 11 پلەی سیلیزی دەبێت؛ لە دهۆک 8 بۆ 9 پلە و لە هەڵەبجە 11 بۆ 12 پلەی سیلیزی دەبێت".
بەگوێرەی کەشناسیی هەرێمی کوردستان، بەرزترین پلەی گەرمای سبەی دووشەممە بەمشێوەیەی خوارەوەیە:
هەولێر: 18 پلەی سیلیزی
سلێمانی: 17 پلەی سیلیزی
دهۆک: 19 پلەی سیلیزی
کەرکووک: 20 پلەی سیلیزی
هەڵەبجە: 18 پلەی سیلیزی
زاخۆ: 20 پلەی سیلیزی
گەرمیان: 22 پلەی سیلیزی
حاج ئۆمەران: 10 پلەی سیلیزی
سۆران: 14 پلەی سیلیزی
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ