رووداو دیجیتاڵ
ئەو بووک و زاوا لوبنانیەی کە لەکاتی تەقینەوەکانی بەیرووتدا سەرقاڵی وێنەگرتن بوون، سەلامەتن و بڕیاریانداوە پێکەوە لە ئەمریکا بژین.
بووکەکە بەناوی ئیسرا سەبلانی لە ئەمریکا پزیشکە و سێ هەفتە لەمەوپێش چووەتە لوبنان بۆ ئامادەکاریی ئاهەنگی هاوسەرگیری؛ لە رۆژی تەقینەوەکە پێکەوە لەگەڵ دەستگیرانەکەی خەریکی وێنەگرتن بوون کاتێک گوڕ و دەنگی تەقینەوەکەی بەیرووت وێنەگرتنەکەی تێکدان. ڤیدیۆی ساتی وێنەگرتنەکە لە تۆڕە کۆمەڵایەتییەکان بڵاوبووەتەوە و نەدەزانرا ئاخۆ بووک و زاواکە سەلامەتن یاخود نا.
زاواکە بەناوی ئەحمەد سوبێح بازرگانە و خەڵکی بەیرووتی پایتەختی لوبنانە، ئێستا چاوەڕێی وەرگرتنی ڤیزای ئەمریکایە بۆئەوەی لەگەڵ دەستگیرانەکەی بچنە ئەو وڵاتە و لەوێ پێکەوە بژین.
بووک و زاواکە لەنزیک هەمان ئەو شوێنەی کە خەریکی وێنەگرتن بوون، وێنەیەکی دیکەیان گرتووە و دەردەکەوێت کە دڵخۆشن، لەنزیکیشیانەوە ئوتێلێک دەبینرێت کە شووشەی پەنجەرەکانی شکاون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ