رووداو دیجیتاڵ
لە پێش شۆڕشی ئیسلامیی ساڵی 1979 کاتێک ئێران پەیوەندییەکانی لەگەڵ ئەمریکا باش بوون، چەندین فڕۆکەی پێشکەوتووی لێ کڕیوە کە تاوەکو ئێستاش لە خزمەتی سەربازیدا کار دەکەن.
جۆرەکانی ئەمانەن:
F-14 Tomcat
- خاوەنی راداری (AN/AWG-9)ـە کە سیستمێکی راداری بەهێزە لە یەک کاتدا 24 ئامانج دیاری دەکات و دەتوانێت 6 یان بپێکێت.
- مووشەکی فۆنیکسی AIM-54 هەڵدەگرێت کە زۆر بەخێرایی دەگاتە ئامانجەکەی لە مەودایەکی دوور دا. لە شەڕی نزیکیش ئامانجەکەی ون ناکات و دەیپێکێت.
- فڕۆکەکە بەخێرایی دوو هەزار و 500 کم لە کاژێرێکدا دەبڕێت
- فڕۆکەکە باڵەخانەی بە گوێرەی خێراییەکەی دەگۆڕێت
F-4 Phantom 2
فڕۆکەیەکی جەنگیی بۆمبڕێژکراوی فرەڕۆڵە، ئەمریکا دروستی کردووە، لە هێرشی زەوینی و سیخوڕی بەکاردەهێندرێت. ئێران 20 بۆ 30 فڕۆکەی لەوجۆرەی ماون.
- فڕۆکەکە دەتوانێت بەخێرایی دوو هەزار 370 کم لە کاژێرێکدا بڕوات
- توانای هەڵگرتنی 8400 کیلۆگرام تەقەمەنی هەیە.
- بۆمبی لیزەری و مووشەکی دژەکەشتی هەڵدەگرێت.
- لە شەڕی ئێران و عێراق رۆڵی بنەڕەتی بینیوە.
F-5 Tiger 2
ئەم فڕۆکەیە بۆ شەڕی سووک بەکاردەهێندرێت، چونکە بەراورد بەوانەی دیکە هێندە بەهێز نییە
- بەخێرایی 1700 کم لە کاژێرێکدا دەڕوات
- توانای هەڵگرتنی مووشەکی بچووکی هەیە
- ئێران سیستمێکی نوێی راداری بۆ زیاد کردووە
- زیاتر بۆ بەرگریی ئاسمانی و راهێنانی فڕۆکەوانان بەکاردەهێندرێت
تەمەنی ئەو فڕۆکانە نیو سەدە دەبن، بەشێکیان ئێران بە پارچەی ناوخۆ نوێی کردوونەتەوە و سیستمی تەکنەلۆژی بۆ زیاد کردوون، بەڵام ژمارەیان بە تەواوی نازانرێت کە چەندێکیان دەتوانن بە تەواوی کار بکەن.
چوار رۆژە جەنگی وڵاتەکە لەگەڵ ئیسرائیل دەستیپێکردووە تاوەکو ئێستا تەنیا بە مووشەک و درۆن وەڵامی هێرشەکانی ئیسرائیلی داونەتەوە و هیچ فڕۆکەیەکی لە هێرشەکانی بەکارنەهێناوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ