جەژنی قوربان لە مەککە
رووداو دیجیتاڵ
بەیانیی زووی یەکەم رۆژی جەژن لە ناوچەی موزدەلیفەی سعودیە، حاجییان لە پلەی گەرمیای 47 پلەی سلیزیدا تەوافیان کرد و بەردیان هەڵگرت و پێش خۆرهەڵاتن، دەستیان بە رەجمی ئەهریمەن کرد.
سەمیر خەنیم، حاجیێکی یەمەنییە و دەڵێ "هەستێکی سەیرم هەیە، وەکو ئەوە وایە لە بەهەشتدا بم. خەڵک لە تەواوی جیهانەوە هاتوون و لێرە نزا دەکەن".
دوای رەجمکردن، حاجییان ئاژەڵ دەکەنە قوربانی و دواتر قژیان دەبڕن. پاشان دەتوانن بەرگی ئیحرام دابکەنن و دوای رەجمی دیکە، تەوافی ماڵئاوایی دەکەن.
جۆن عەلی، حاجیێکی دیکەیە باسی ئەوە دەکات "کاتێک حەج دەکەم، خودای گەورە پاداشتم دەداتەوە. نزای خێر بۆ موسڵمانان دەکەم".
ئەمساڵ نزیکەی دوو ملیۆن و 500 هەزار کەس بۆ حەج چوونەتە سعودیە. ساڵی 2015، لە ناوچەی مینا بەهۆی پاڵەپەستۆوە دوو هەزار و 300 کەس گیانیان لەدەستدا. ساڵی 2006، 364 لە هەمان شوێن مردن. سەرەڕای ئەوەی ئەمڕۆ پلەی گەرما 47 پلەی سلیزی بووە، بەڵام هیچ رووداوێکی نەخوازراو رووینەداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ