هەڵەیەک روویدا! دووبارە هەوڵبدە
عێراق
بنکەی ئاسمانیی عەین ئەسەد لە ئەنبار؛ پێشتر گرووپەکە بەرپرسیارێتیی هێرشکردنە سەر بنکەکەی راگەیاندووە.
رووداو دیجیتاڵ
'مقاوەمەی ئیسلامى لە عێراق' هۆشدارى دەدات و دەڵێت لە هەفتەى داهاتووەوە هێرشەکانیان "تووندتر و فراوانتر" دەکەن، لە دژى بنکەى نەیارانیان لە ناوچەکە.
رۆژی 3ى تشرینى دووەمى 2023، 'مقاوەمەی ئیسلامى لە عێراق' لە راگەیێندراوێکدا رایگەیاند: "بۆ پاڵپشتیکردن و سەرخستنى گەلى فەلەستینى و تۆڵەکردنەوە لە شەهیدان، هەفتەى داهاتوو قۆناخێکى نوێى رووبەرووبوونەوەى دوژمنانمان دەستپێدەکەین".
'مقاوەمەی ئیسلامی' لە ماوەى رابردوودا بەرپرسیارێتى خۆى لە چەند هێرشێک بۆ سەر بنکە سەربازییەکانى ئەمریکا لە عێراق و سووریا راگەیاندووە.
لە راگەیێندراوەکەدا 'مقاوەمەی ئیسلامى لە عێراق' ئاماژەى بەوەداوە، ئەو قۆناخەى رووبەڕوونەوە، "تووندتر و فروانتر" دەبێت لە دژى بکەى نەیارانیان لە ناوچەکە.
'مقاوەمەی ئیسلامى لە عێراق' لەدواى هێرشی حەماس بۆ سەر ئیسرائیل لە 7ى تشرینى یەکەم خۆی راگەیاندووە، کە کۆکەرەوەى ژمارەیەک گرووپى چەکدارە لە عێراق و وڵاتانى ناوچەکە و خۆیان بەنەیارى ئیسرائیل و هاوپەیمانەکانى دەناسێنن.
لە 17ى تشرینى یەکەمى 2023ـەوە، ئەو گرووپە بەرپرسیارێتى خۆى لە زیاتر لە 18 ھێرشی مووشەکی و درۆنی راگەیاندووە، کە لە عێراق و سووریا کراونەتە سەر بنکە سەربازییەکانى ئەمریکا و هێزەکانی هاوپەیمانیی نێودەوڵەتی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ