رووداو دیجیتاڵ
درەنگی شەوی رابردوو لە رووداوێکی هاتووچۆدا لە رێگەی نێوان میسان - بەسرە شەش کەس گیانیان لەدەستدا.
بەڕێوەبەرایەتیی هاتووچۆی پارێزگای میسان لە باشووری عێراق لە راگەیێندراوێکدا بڵاویکردەوە، لە رێگەی نێوان پارێزگاکانی میسان و بەسرە، ئۆتۆمبێلێکی تایبەتی جۆری هیوندای ئەکسێنت و بارهەڵگرێکی جۆری ئەکترۆس پێکیانداداوە.
لەبارەی هۆکاری رووداوەکە، بەڕێوەبەرایەتیی هاتووچۆی میسان دەڵێت، "بەهۆی تیژڕۆیی و تەقینی تایەکەیەوە هیواندی ئەکسێنتەکە لە رێگەکە لایداوە و چووەتە سەر رێگەی بەرامبەر و خۆی بە بارهەڵگرەکەدا کێشاوە و بەو هۆیەوە شەش کەس گیانیان لەدەستداوە".
بە گوێرەی ئامارە فەرمییەکان، ساڵی رابردوو لە عێراق 11 هەزار و 523 رووداوی هاتووچۆ روویانداوە و بەو هۆیەوە و سێ هەزار و 79 کەس گیانیان لەدەستداوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ