رووداو دیجیتاڵ
هێزەکانی بەڕێوەبەرایەتیی بەرەنگاربوونەوەی تەقەمەنییەکان لە بەغدا دەستی بەسەر قاسەیەکی دزراودا گرت کە بڕێکی زۆر خشڵ و زێڕ و 66 هەزار دۆلاری ئەمریکی تێدابوو.
ئەمڕۆ یەکشەممە، 10-08-2025، بەڕێوەبەرایەتییەکە لە راگەیێندراوێکدا بڵاویکردەوە، دوای ئاگادارکردنەوەیان لە بوونی قاسەیەکی فڕێدراو لە ناوچەی کازمییە، تیمەکانیان رەوانەی شوێنەکە کرد.
بەگوێرەی راگەیێندراوەکە، قاسەکە 38 بازنی زێڕ، 8 ملوانکەی زێڕ و 66 هەزار دۆلاری ئەمریکی تێدا بووە.
لێکۆڵینەوە سەرەتاییەکان دەریانخستووە کە قاسەکە لە ماڵی هاووڵاتییەک لە هەمان ناوچە دزراوە.
بەڕێوەبەرایەتییەکە ئاماژەی بەوەش کردووە، زێڕ و پارەکە رادەستی نووسینگەی بەرەنگاربوونەوەی تاوانی کازمییە کراون بۆ گرتنەبەری رێکاری پێویست.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ