رووداو دیجیتاڵ
وەزارەتی تەندروستیی عێراق نووسراوێکی ئاراستەی فەرمانگەی تەندروستیی ئەنبار کردووە و تێیدا داوای لێکردوون، بەهۆی بڵاوبوونەوەی ئەنفلەوەنزاوە هەردوو قوتابخانەی ناوەندیی ئەبی زەڕی غەفاری بۆ کچان' و ''ناوەندیی ئەبی زەڕی غەفاری بۆ کوڕان''ی پارێزگاکە دابخەن.
وەزارەتی تەندروستیی عێراق باس لەوە دەکات، بۆ 7 رۆژ مۆڵەتی ناچاری بە قوتابیان و ستافی وانەبێژانی هەردوو قوتابخانەکە دراوە.
ئەمڕۆ چوارشەممە، 19ی تشرینی دووەمی 2025، محەممەد دەڕاجی، گوتەبێژی تەندروستی ئەنبار بە تۆڕی میدیایی رووداوی راگەیاند، "ئەنفلەوەنزاکە بەهێزە و بەخێرایی بڵاودەبێتەوە، ژمارەیەکی زۆری قوتابیانی هەردوو قوتابخانەکەش تووشبوون کە چاکبوونەوەی هەر تووشبوویەک 5 بۆ 10 رۆژ دەخایەنێت."
گوتەبێژی تەندروستی ئەنبار گوتی، "بۆ پاراستنی قوتابیانی دیکە لە تووشبوونیان، بڕیاری داخستنی هەردوو قوتابخانەکە بۆ 5 رۆژ تاوەکو هەفتەیەک دراوە."
هەردوو قوتابخانەی ناوەندیی ئەبی زەڕی غەفاری بۆ کچان' و ناوەندیی ئەبی زەڕی غەفاری بۆ کوڕان، دەکەونە شاری روومادی لە پارێزگای ئەنبار.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ