رووداو دیجیتاڵ
هێزەکانی هاوپەیمانیی نێودەوڵەتی ئەمڕۆ 10-01-2024 لە دێرەزوور درۆنێکی بۆمبڕێژکراویان خستە خوارەوە، کە بەرەو بنکەی سەربازیی کۆنیکۆ ئاراستە کرابوو.
بەپێی زانیارییە خۆجێییەکان، درۆنەکە لەلایەن گرووپە چەکدارەکانی سەر بە ئێرانەوە بە مەبەستی هێرشکردنە سەر و بۆردوومانکردنی، بەرەو بنکەی سەربازیی کۆنیکۆ کە بنکەیەکی سەربازیی هاوپەیمانیی نێودەوڵەتییە و هێزەکانی ئەمریکا و هاوپەیمانیی نێودەوڵەتی لێی جێگیر کراون، ئاراستە کرابوو.
بنکەی سەربازیی کۆنیکۆ دەکەوێتە نێو کێڵگەی نەوتی کۆنیکۆ لە باکووری رۆژهەڵاتی پارێزگای دێرەزوور لە رۆژهەڵاتی سووریا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ