هاکان فیدان: لەگەڵ وەزیری دەرەوەی سووریا باسی دانوستاندنی دیمەشق و پەیەدەمان کرد

 

دوای ئەوەی بە نوێنەرایەتیی رەجەب تەیب ئەردۆغان، سەرۆککۆماری تورکیا سەردانی پاریسی کرد و چەند دیدار و کۆبوونەوەیەکی کرد، هاکان فیدان، وەزیری دەرەوەی تورکیا شەوی سێشەممە 6-1-2026 قسەی بۆ میدیای وڵاتەکەی کرد.

 

فیدان جەختی لەبارەی دیداری سووریا لەگەڵ ئەمریکا و ئیسرائیل قسەی کردووە و گوتی، "وەزیری دەرەوەی سووریا، بەڕێز شەیبانی بەمەبەستی دیداری سێقۆڵی دانوستاندنی ئیسرائیل، ئەمریکا و سووریا لە پاریس بوو. ئێمە هەر لە سەرەتاوە لە نزیکەوە چاودێریی ئەم دانوستاندنانە دەکەین. لەگەڵ لایەنەکانی سووریا و ئەمریکا لە راوێژی هەمیشەییداین."

 

دوای دیداری سێقۆڵی، وەزیری دەرەوەی تورکیا لەگەڵ وەزیری دەرەوەی سوریا کۆبووەوە و لەمبارەیەوە هاکان فیدان گوتی، "دوو بابەتی گرنگمان باس کردن. یەکەم، لە دیدارەکانی ئەمڕۆدا چی کرا؟ هەروەها دیداری چەند رۆژێک لەمەوبەریان لەگەڵ یەپەگە، کە ئایا گەیشتن بە هیچ ئەنجامێک یان نا؟ ئەم بابەتانەمان زۆر بە وردی تاوتوێ کرد. سووریا، بەهۆی ئەوەی راستەوخۆ دراوسێمانە، هەموو رووداوەکانی ئەوێ لە نزیکەوە پەیوەندیدارن بە ئێمە. هیوادارین زەوینەیەکی دانوستاندن و رێککەوتن بڕەخسێت کە هەمووان رازی بکات و سەقامگیری لە ناوچەکەدا دروست بکات."

 

هەموو ئەمانە لە کاتێکدان، بەرپرسانی ئەنقەرە بەردەوام هۆشداری دەدەنە هێزەکانی سووریای دیموکرات (هەسەدە) بۆئەوەی چەک دابنێت.

 

دوایین هۆشدارییەکان لەلایەن یاشار گولەر، وەزیری بەرگریی تورکیا بوو کە داوای لە هەسەدە، یەپەگە و پەیەدە کرد، چالاکییەکانیان بوەستێنن و چەکەکانیان بە بێ هیچ مەرجێک رادەست بکەن.

 

 

وەزیری دەرەوەی سووریا، بەڕێز شەیبانی بەمەبەستی دیداری سێقۆڵی لە پاریس بوو؛ دانوستاندنی ئیسرائیل، ئەمریکا و سووریا. ئێمە هەر لە سەرەتاوە لە نزیکەوە چاودێریی ئەم دانوستاندنانە دەکەین. لەگەڵ لایەنەکانی سووریا و ئەمریکا لە راوێژیی هەمیشەییداین. دوای ئەو دیدارە لەگەڵی (شەیبانی) کۆبووینەوە. دوو بابەتی گرنگمان باس کرد؛ لە دیدارەکانی ئەمڕۆدا چی کرا؟ هەروەها دیداری چەند رۆژێک لەمەوبەریان لەگەڵ یەپەگە، کە ئایا گەیشتن بە چ ئەنجامێک یان نا؟ ئەم بابەتانەمان زۆر بە وردی تاوتوێ کرد. سووریا، بەهۆی ئەوەی راستەوخۆ دراوسێمانە، هەموو رووداوەکانی ئەوێ لە نزیکەوە پەیوەندیدارن بە ئێمە. هیوادارین زەوینەیەکی دانوستاندن و رێککەوتن بڕەخسێت کە هەمووان رازی بکات و سەقامگیری لە ناوچەکەدا دروست بکات.