هەڵەیەک روویدا! دووبارە هەوڵبدە
رووداو دیجیتاڵ
گوتەبێژی پارتی سەرلەنوێ رەفاهـی تورکیا رایگەیاند، دۆناڵد ترەمپ هانی کوردی رۆژهەڵاتی کوردستان دەدات دژی حکومەتی تاران بوەستنەوە و دەڵێت: "هیچ کوردێک لەپێناو بەرژەوەندیی ئەمریکا، لە دەوڵەت و گەلی خۆی یاخی نابێت."
سوعاد کڵچ، گوتەبێژی پارتی سەرلەنوێ رەفاهـ، ئێوارەی سێشەممە 10-3-2026 لە کاتی پێشکەشکردنی گوتارێک لە کۆبوونەوەی فراکسیۆنی پارتەکەی لە پەرلەمانی تورکیا، سەرکۆنەی هەڵوێستەکانی دۆناڵد ترەمپ، سەرۆکی ئەمریکای کرد و گوتی: "ترەمپ پەیامی بۆ کوردی ئێران هەیە و هانیان دەدات بۆ ئەوەی دژی دەوڵەت، سیستم و ئاڵاکەی خۆیان راپەڕین بکەن."
گوتەبێژی پارتی سەرلەنوێ رەفاهـ ئاماژەی بەوەشکرد، پێویستە گەلانی رۆژهەڵاتی ناوەڕاست رێز لە سەروەریی ئەو وڵاتانە بگرن کە تێیدا دەژین و نەکەونە نێو "یاریی هێزە جیهانییەکانەوە". کڵچ گوتیشی: "ئەو بانگەوازانەی لەلایەن بەڕێز باخچەلی و دەم پارتییەوە کران، ئێمەش لەم سەکۆیەوە نوێیان دەکەینەوە."
لەگەڵ دەستپێکردنی هێرشی ئەمریکا و ئیسرائیل بۆ سەر ئێران، پرسی هاندانی هێزە کوردییەکانی رۆژهەڵاتی کوردستان لەلایەن دۆناڵد ترەمپەوە بووە رۆژەڤ، هەرچەندە دواتر ترەمپ پاشگەزبووەوە و رایگەیاند، لەگەڵ ئەوەدا نییە کورد بچنە نێو شەڕێکەوە کە زیانیان پێبگات.
بابەتی هاندانی کوردانی رۆژهەڵات لەلایەن واشنتنەوە، لە چەند رۆژی رابردوودا دەنگدانەوەی زۆری لە نێو لایەنە سیاسییەکانی تورکیادا لێکەوتووەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ