هەڵەیەک روویدا! دووبارە هەوڵبدە
رووداو دیجیتاڵ
وەزیری دەرەوەی تورکیا لە گوتەیەکدا لە پێنجەمین کۆڕبەندی دیپلۆماسیی ئەنتالیا رایگەیاند، چی دیکە ناوچەکە بەرگەی جەنگ، داگیرکاری، تیرۆر و شەڕی نێوخۆیی ناگرێ.
بەشێک لە گوتارەکەی فیدان تایبەت بە پشێوی و قەیرانی ناوچەکە بوو و گوتی: "ناوچەکەمان چی دیکە بەرگەی جەنگ، داگیرکاری، تیرۆر و شەڕە نێوخۆییەکان ناگرێ. ئێمە وەکو وڵاتانی ناوچەکە، لەسەرمانە ئاشتی و سەقامگیریی هەرێمی بە دیدگەیەکی خاوەنداری بۆ ناوچەکە پیادە بکەین. ئەم دیدگەیەمان بە دیالۆگێکی هەمیشەیی و بە رێزگرتن لە سەربەخۆیی، یەکێتیی خاک و سەروەریی وڵاتانی ناوچەکە دێتەدی. پێویستە فرەچەشنیی نەژاد، کولتوور و مەزهەب بە هۆکاری یەکگرتن ببینین، نەک جیاکاری".
هاکان فیدان گوتی، تەواوی جیهان و بەتایبەتیش وڵاتانی ناوچەکە، وانەی مێژوویی لەم شەڕە وەردەگرن، بەڵام لەم کاتەدا ئەرکی یەکەم و بەپەلە کوژاندنەوەی ئاگری جەنگە.
وەزیری دەرەوەی تورکیا دیپلۆماسیی بە ویستی راگرتنی ئاگر بەر لە تەشەنەسەندن ناوبرد و رایگەیاند، توانای چاککردنەوەی پەیوەندییە پچڕاوەکانە لەڕێی ئارامگرتن و بوێریی لەنێوبردنی دووژمنایەتی.
وەزیری دەرەوەی تورکیا دوو پایەی سەرەکیی بۆ دیدگەی تورکیای خستەڕوو کە یەکەمیان چاکسازیی دامەزراوەییە لەسەر ئاستی جیهان و دووەمیشیان هەنگاوی ستراتیجی بۆ مسۆگەرکردنی ئاشتی و خۆشگوزەرانی لە ناوچەکەدا.
کۆڕبەندی دیپلۆماسیی ئەنتاڵیا ساڵانە بە بەشداریی سەرکردە و بەرپرسانی باڵای وڵاتان، کەسانی ئەکادیمی، بیرمەند لە ئاستی نێودەوڵەتی لە شاری ئەنتاڵیای تورکیادا بەڕێوەدەچێت.
ئەو کۆڕبەندە لە ساڵی 2021ــەوە لەلایەن وەزارەتی دەرەوەی تورکیاوە بەڕێوەدەبرێ.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ