هەڵەیەک روویدا! دووبارە هەوڵبدە
رووداو-هەولێر
لە چەند شارێکی باکووری رۆژئاوای تورکیا بارانی زۆر باهۆزی بەدوای خۆیدا هێنا و لە ئەنجامدا کەسێک گیانی لەدەستدا و ژمارەیەکیش برینداربوون.
بەهۆی ئەو لێزمەبارانەی لە دوێنێ چوارشەممەوە لە شارەکانی باڵکئەسیر، ئایدن و ئیزمیر بەردەوامە، لە چەند شوێنێکدا باهۆز دروستبوو و شەقام و کۆڵانەکان کەوتنە ژێر ئاو.
لە ئیزمیر بەهۆی باهۆزەوە زیان بەر خانوو و باڵەخانەکان کەوت و چەند دیوارێک رووخان. ژنێکی تەمەن 78 ساڵ کەوتە ژێر داروپەردووی دیوار و گیانی لەدەستدا. ئەمە جگە لەوەی لافاو و باهۆز زیانی زۆری بە ئیزمیریش گەیاند و لە چەند شەقامێکی سەرەکیی شارەکەدا هاتووچۆ وەستا.
شەپۆلێکی باران چەند پارێزگایەکی هەرێمی مارمارا و ئیجەی تورکیا گرتووەتەوە، بەڵام زیانەکان زیاتر بەر شارەکانی ئیزمیر، باڵکئەسیر و ئایدن کەوتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ