رووداو دیجیتاڵ
یانەی دهۆک لە دەرەوەی یاریگەی خۆی بەدوای بردنەوەیەکی دیکەدا دەگەڕێت کاتێک بەرامبەر یانەی قاسم یاریی دەکات.
ئەلهویێن چیا بە ورەیەکی بەرزەوە خۆیان بۆ ئەم یارییە ئامادەکردووە و چاویان لەوەیە بەبردنەوەی یارییەکە هەنگاوێکی دیکە لە پلەکانی پێشەوەی ریزبەندی خولەکە نزیکببنەوە.
عەبدولغەنی شەهد، راهێنەری یانەی دهۆک بەر لە یارییەکە گوتی "بۆ ئەم یارییە فەلسەفەیەکی تایبەتمان هەیە، بەهەموو توانا بەردەست و پلانە هونەرییەکانمان بەدوای بردنەوەی خاڵەکانی یارییەکەدا دەگەڕێین، پێویستە بەدرێژایی یارییەکە بەبیرکردنەوەیەکی بەهێزەوە یاریی بکەین و دەبێت لە رووی هونەرییەوە ئامادەبین."
یانەی دهۆک لە پلەی یازدەیەمی ریزبەندی خولەکەیە، لە دوو یاریی رابردوودا یەکسانبووە و چاوی لە بەدەستهێنانی سێ خاڵە، یانەی قاسم، خراپترین یانەی ئەم وەرزەی خولی ئەستێرەکانی عێراقە، یانەکە هیچ بردنەوەیەکی نییە و لە پلەی کۆتایی ریزبەندی خولەکەیە، ئەلهویێن چیا دەیانەوێت سوود لە دۆخی خراپی ئەو یانەیە وەربگرن بۆ ئەوەی خاڵەکانی یارییەکە ببەنەوە.
.jpg)
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ