ڤیدیۆ؛ سۆن بەگریانەوە ماڵئاوایی لە تۆتێنهام دەکات

 

سۆن هەروەها سوپاسی کارگێڕیی و هاندەرانی تۆتێنهامی کرد و گوتی "حەزدەکەم ئاڵنگارییەکی نوێ تاقی بکەمەوە".

 

 

پێش ئەوەی کۆنفرانسە رۆژنامەڤانییەکە دەست پێبکەین، تەنیا دەمەوێت ئەو زانیارییە بڵێم کە بڕیارمداوە ئەم هاوینە ریزەکانی یانەکەم بەڕێزەوە جێبهێڵم، یانەکە یارمەتیدەرمە لە بڕیارەکانمدا. بۆیە ویستم ئەم زانیارییە پێش دەستپێکردنی کۆنفرانسەکە بڵێم.

 

ئەمە قورسترین بڕیار بوو کە لە ژیانی وەرزشیمدا داومە. بۆ ماوەی دە ساڵ لێرە بووم لە یانەیەکی جوان و لەگەڵ هاندەرانێکی نایاب، یادگاریی زۆر سەرسوڕهێنەرم هەبووە. پێموایە دوای ئەوە بڕیاردان زۆر قورس بوو. بەڵام وەک گوتم، تەنیا هەستم کرد پێویستم بە ژینگەیەکی نوێیە بۆ ئەوەی هەوڵ بەدەم زیاتر پێشکێش بکەم، تەنیا پێویستم بە گۆڕانکارییەکی کەم بوو. مەبەستم ئەوەیە، دە ساڵ کاتێکی زۆرە کاتێک بیری لێدەکەیتەوە. وەک گەنجێک هاتمە باکووری لەندەن، تەمەنم 23 ساڵ بوو، کوڕێکی زۆر گەنج کە تەنانەت ئینگلیزیشی نەدەزانی. جێهێشتنی ئەم یانەیە وەک پیاوێکی پێگەیشتوو ساتێکە زۆر زۆر مایەی شانازییە. بۆیە تەنیا دەمەوێت سوپاسی هەموو هاندەرانی سپێرز بکەم کە خۆشەویستییەکی زۆریان پێبەخشیم و وایانکرد هەست بکەم لێرە ماڵی منە. ئەمە یەکێک بوو لە سەخترین بڕیارەکان کە تاوەکو ئێستا داومە. هیوادارم ماڵئاواییەکەش هەمیشە لە کاتێکی گونجاودا بێت، بەڵام پێموایە ئەمە کاتێکی گونجاوە بۆ ئەم بڕیاردانە. بۆیە هیوادارم هەمووان لە بڕیارەکەم تێبگەن و هیوادارم هەمووان رێزی لێبگرن.