رووداو دیجیتاڵ
ئارسیناڵ پێگەی خۆی لە کێبڕکێی بەدەستهێنانی نازناوی پریمەر لیگ بەهێزتر کرد دوای سەرکەوتنێکی گرنگ بە ئەنجامی 1-0 بەرامبەر برایتۆن، لە کاتێکدا مانچێستەر سیتی لە یاریگای خۆیدا تووشی یەکسانبوونێکی بەتامی دؤران بوو بە ئەنجامی 2-2.
گەنەرز هەر سێ خاڵەکەی یارییەکەیان مسۆگەر کرد بەهۆی گۆڵێکی یەکلاکەرەوە لە نیوەی یەکەمدا کە ساکا گۆڵەکەی تۆمارکرد، ئەم سەرکەوتنە وایکرد ئارسیناڵ بەردەوام بێت لە پارێزگاریکردن لە پێشەنگی ریزبەندی خولەکە.
برایتۆن لەبەردەم هاندەرانی خۆیدا هەوڵی زۆری دا بۆ تۆمارکردنی گۆڵی یەکسانبوون، بەڵام نەیانتوانی هێڵی بەرگریی بەهێز و رێکخراوی ئارسیناڵ بشکێنن، یانە لەندەنییەکە خولەکەکانی کۆتایی یارییەکەی بە پیشەگەرییانە بەڕێوەبرد بۆ ئەوەی سەرکەوتنێکی گرنگ لە دەرەوەی یاریگای خۆیان مسۆگەر بکەن.
لەلایەکی دیکەوە، مانچێستەر سیتی تووشی پاشەکشە بوو لە ململانێی نازناوەکەدا دوای ئەوەی بە ئەنجامی 2-2 بەرامبەر نۆتینگهام فۆرێست یەکسان بوو.
سیتی دوو جار پێشکەوتنی خۆی لەدەستدا، یاریزانانی فۆرێست جەنگان بۆ بەدەستهێنانی خاڵێکی بەنرخ.
لەدەستدانی ئەم خاڵانە لەوانەیە بۆ تیپەکەی پێپ گواردیۆلا گران لەسەریان بوەستێت لەگەڵ تووندبوونی کێبڕکێی نازناوەکە، بەتایبەت کە ئارسیناڵ سوودی تەواوی لەم یەکسانبوونەی سیتی وەرگرت.
تەنیا چەند هەفتەیەک لە وەرزەکە ماوە، ململانێ لەسەر نازناوی پرێمەرلیگ گەرمتر دەبێت و ئارسیناڵ زیاتر نزیک دەبێتەوە لە گەیشتن بە خەونەکەی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ