هەڵەیەک روویدا! دووبارە هەوڵبدە
رووداو دیجیتاڵ
یانەی ئەی سی میلانی ئیتاڵی بەئەنجامی 2-2 لەگەڵ پارما یەکسانبوو، بەمەش نەیتوانی بچێتە پێشەنگی سێری ئا.
یارییەکە رۆژی 8ـی مانگی 11ـی 2025 بەڕێوەچوو، لە دەستپێکدا میلان بە دوو گۆڵی بێبەرامبەر پێشکەوت، بەڵام پارما لە نیوەی دووەمدا گەڕایەوە و ئەنجامەکەی یەکسانکردەوە.
لە خولەکی 12ـدا ئەلێکسس سایلماکێرس گۆڵی یەکەمی بۆ میلان تۆمارکرد، پاش ئەوەی بە لێدانێکی بەهێز گۆڵی یەکەمی تۆمارکرد و گۆڵپارێزی پارما زایۆن سوزۆکی نەیتوانی رێگری لێ بکات.
پاش 13 خولەک، میلان گۆڵی دووەمی بە لێدانی سزا تۆمارکرد. سایلماکێرس لە ناوچەی سزای پارما لێدانێکی پێناڵتی گرت و رافایێل لیاو لێدانە سزاکەی بە سەرکەوتوویی جێبەجێ کرد و گۆڵی دووەمی تۆمارکرد.
لێدانە سزاکە دوای گەڕانەوە بۆ ڤار VAR پەسندکرا.
لە کۆتایی نیوەی یەکەمدا، ئادریان بێرنابی گۆڵێکی سەرنجڕاکێشی بۆ پارما تۆمارکرد و ئەنجامەکەی کەمکردەوە بۆ 2-1. لە خولەکی 60ـدا، ئێنرێکۆ دێلپراتۆ گۆڵی یەکسانبوونەوەی بۆ پارما تۆمارکرد.
لە خولەکەکانی کۆتایی یارییەکەدا هەردوو تیپ چەندین دەرفەتیان بۆ بردنەوە هەبوو. گۆڵپارێز مایک مانیان بەشێوەیەکی سەرنجڕاکێش رێگری لە گۆڵێکی دێلپراتۆ کرد. هەروەها سایلماکێرس دەرفەتێکی زێڕینی لەدەستدا کاتێک گۆڵپارێزی تێپەڕاند، بەڵام تۆپەکەی بۆ دەرەوەی چوارچێوەی گۆڵ ئاراستەکرد. لوکا مۆدریچیش لە کاتی زیادکراودا لێدانێکی مەترسیداری هەبوو کە گۆڵپارێز سوزوکی دوو جار بەرپەچی دایەوە.
ئەی سی میلان ئێستا لە پلەی دووەمی ریزبەندیی سێری ئادایە و 22 خاڵی هەیە، بەجیاوازی گۆڵ لەدوای ناپۆلی پێشەنگ دێت. ناپۆلی یاریی بەرامبەر بۆلۆنیا دەکات. ئینتەر میلان و رۆماش 21 خاڵیان هەیە، بەمەش رکابەری لەسەر لووتکەی خولەکە گەرمتر دەبێت. پارما لە پلەی 17ـمدایە و 8 خاڵی هەیە، دوو خاڵ لەسەر هێڵی دابەزینەوە دوورە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ