رووداو دیجیتاڵ
لۆکا مۆدریچ، یاریزانی کرواتیی یانەی ریال مەدریدی ئیسپانی، دووپاتیکردەوە کە خۆی و هاوڕێکانی بە متمانەیەکی زۆرەوە رووبەڕووی مانچێستەر سیتی دەبنەوە. گوتیشی "دەمانەوێت ئاستێکی نایاب پێشکێش بکەین و بگەینە یاریی کۆتایی چامپیۆنزلیگ".
ئەمشەو کاژێر 22:00 بە کاتی باشووری کوردستان، یانەی ریال مەدرید لە یاریی گەڕانەوەی قۆناخی پێشکۆتایی چامپیۆنزلیگدا دەبێتە میوانی یانەی مانچێستەر سیتی، کە یاریی چوون بە ئەنجامی یەکسانبوون 1-1 کۆتاییهاتووە.
لوکا مۆدریچ، یاریزانی یانەی ریال مەدرید، لە کۆنگرەی رۆژنامەڤانی بەر لە یارییەکەدا، قسەی بۆ میدیاکاران کرد و گەشبین خۆی بە بڕینی مان سیت و گەیشتن بە یاریی کۆتایی نیشاندا.
لوکا، هەر لە سەرەتاوە وای نیشاندا، کە خۆی و هاوڕێکانی راهاتوون لەسەر ئەم یارییە گەورانە، بۆیە متمانەیان بەخۆیان هەیە و گوتی "زۆرجار ئەم جۆرە یارییانەمان ئەنجامداوە، لە قۆناخی پێش کۆتایی و کۆتاییدا".
مۆدریچ زیاتر گوتی "ئەوەی من لە هاوڕێکانم و راهێنەردا دەیبینم متمانە و ئارامی و باوەڕی تەواوە بە کەسایەتیمان و جیاوازیمان، ئەوەی رۆژانە دەیبینین ئومێدە بەوەی ئاستێکی نایاب پێشکەش بکەین و سەربکەوین بۆ یاریی کۆتایی، کە بێگومان ئەوە زۆر باش دەبێت".
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ