رووداو - هەولێر
ئەستێرەیەکی دیکەی پرێمەرلیگ، پەیوەندیی بە خولی چینی کرد و گرێبەستی لەگەڵ یانەی دالیان یڤانگی ئەو وڵاتە واژۆکرد.
یانەی دالیانی چینی بەفەرمی گرێبەستکردنی لەگەڵ، سوڵۆمۆن رۆندونی ڤێنزوێلی و ئەستێرەی یانەی وێستبرۆمیچی ئینگلیزی بۆ ریزەکانی راگەیاند، بەڵام نرخی گواستنەوەی یاریزانەکەی ئاشکرانەکردووە.
ئەو هێرشبەرە وەرزی رابردوو لە یانەی نیوکاسل یونایتد یارییکردووە، بە پەیوەندیکردن بە ریزەکانی یانە چینییەکە لەژێر سەرپەرشتی رافایێل بێنێتێزی ئیسپانی یارییدەکات، کە مانگی رابردوو پۆستی راهێنەرایەتی ئەو یانەیەی وەرگرتووە.
رۆندون وەرزی رابردوو 33 یاریی بەدرێسی نیوکاسل ئەنجامدا، لە ساڵی 2015 پەیوەندی بە وێستبرۆمیچ کردووە، لەو یانەیەشدا 120 یارییکردووە و 28 گۆڵی تۆمارکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ