ئینتەرمیلان و ئوراوا
رووداو دیجیتاڵ
یانەی ئینتەرمیلانی ئیتاڵی یەکەم بردنەوەی لە رکابەرییەکانی مۆندیالی یانەکاندا تۆمارکرد و ریمۆنتادایەکی زەحمەتی بەرامبەر یانەی ئوراوا رێدی ژاپۆنی تۆمارکرد.
لە دووەم یارییاندا لە قۆناخی کۆمەڵەکاندا و لە رکابەرییەکانی کۆمەڵەی پێنجەمدا هەردوولا رووبەڕووی یەکبوونەوە.
لە سەرەتای یارییەکەدا و دوای 10 خولەک یارییکردن یانەی ئوارا رێد بەشێوەیەکی چاوەڕواننەکراو گۆڵی پێشکەوتنی لە رێگەی ریۆما واتانابێ تۆمارکرد و نیوەی یەکەمی یارییەکە لە بەرژەوەندی ژاپۆنییەکان کۆتاییهات.
ئوراوا لە یارییەکەدا ئاستێکی بەرزی پێشکێشکرد و تاوەکو خولەکی 77 لەپێشەوە بوو، بەڵام لاوتارۆ مارتینێز گۆڵێکی جوانی تۆمارکرد و ئەنجامەکەی یەکسانکردەوە.
لە خولەکی دووەمی کاتی زیادکراوی یارییەکەدا، ڤالێنتین کاربۆنی گۆڵی دووەمی بۆ نیرازۆری تۆمارکرد، ئینتەرمیلان ریمۆنتادای تۆمارکرد و یارییەکەی بە دوو گۆڵ بەرامبەر گۆڵێک بردەوە و یەکەم سەرکەوتنی لە رکابەرییەکەدا بەدەستهێنا.
ئینتەرمیلان بووە خاوەنی چوار خاڵ و لە پلەی دووەمی ریزبەندی کۆمەڵەکەیە و یاریی داهاتووی بەرامبەر یانەی ریڤەرپلەیتە، کە یاریی لووتکە و یەکلاکەرەوە دەبێت بۆ هەردوولا و رکابەری لەسەر پێشەنگی ریزبەندی کۆمەڵەکە دەکەن.
ریڤەرپلەیت بەجیاوازیی گۆڵ و بەهەمان ژمارەی خاڵەکانی ئینتەر لە پلەی یەکەمی کۆمەڵەکەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ