رووداو دیجیتاڵ
لە درێژەی رکابەرییەکانی پاڵاوتنەکانی گەیشتن بە یۆرۆی 2024ـی ئەڵمانیا، هەڵبژاردەی کرواتیا بەسەرکردایەتی لوکا مۆدریچ رووبەڕووی وێلز دەبێتەوە.
یارییەکە کاژێر 22:45 لە یاریگەی پولۆد کرواتیا لەنێو یاریگە و هاندەرانیدا میوانداریی وێلز دەکات، لە دەستپێکی رکابەرییەکانی گەڕی یەکەمی قۆناخی کۆمەڵەکان و لە کۆمەڵەی چوارەمدا.
رۆژی هەینی کرواتیا بەسەرکردایەتی زلاتکۆ دالیچ و ئامادەبوونی لوکا مۆدریچ، ئەستێرە و کاپتنی هەڵبژاردەکە و یاریزانەکانی دیکەی دوایین مەشقەکانی بۆ یارییەکە ئەنجامدا و بەتەواوی بۆ یەکەم یارییان ئامادەن.
هەڵبژاردەی وێلز ئەمە یەکەم یاریی دەبێت دوای وازهێنانی گارێس بەیڵ، ئەستێرە و کاپتنی هەڵبژاردەکەی ئەنجامیدەدات.
کرواتیا و وێلز 6 یارییان بەرامبەر یەکدی کردووە، کرواتییەکان هیچ یارییەکیان نەدۆڕاندووە، 4 بردنەوەیان هەبووە و لە دوو یارییشدا یەکسانبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ