هەڵەیەک روویدا! دووبارە هەوڵبدە
رووداو دیجیتاڵ
دهۆک و زەورا لە گەڕی 15ـی خولی ئەستێرەکانی عێراق بەبێ گۆڵ یەکسانبوون. یارییەکە مۆرکێکی نەتەوەیی و کولتووری بەخۆوە بینی و هاندەرانی دهۆک بە هاواری نەتەوەیی و کەزیی کچانی کوردەوە پشتگیری تیپەکەیان دەکرد.
یاریگەی دهۆک دیمەنێکی سەرنجڕاکێشی تێدا بینرا. ئاڵایەکی گەورەی کوردستان و کەزیی کچانی کورد تێکەڵ کرابوون. منداڵان بە کەزییەوە لەگەڵ یاریزانانی دهۆک و زەورا هاتنە نێو یاریگە. هاندەرانی دهۆک بەیەکدەنگ هاواری "کینە ئەم؟ کوردن ئەم".یان دەکرد و گۆڕەپانەکەیان هەژاندبوو.
لە رووی هونەرییەوە، نیوەی یەکەم بە بێدەنگی و بەبێ تۆمارکردنی گۆڵ کۆتایی هات. تەنیا حوسێن فەلاح، یاریزانی دهۆک لە خولەکی 36 بە کارتی زەرد سزا درا.
لە نیوەی دووەمدا گوشارەکان زیاتر بوون. لە خولەکەکانی 54 و 57 دوای گەڕانەوە بۆ تەکنەلۆژیای ڤار، دوو گۆڵ بۆ دهۆک و زەورا هەژمار نەکران و ئەمەش وای کرد ئەنجامەکە وەک خۆی بمێنتەوە. ناوبژیوانی یارییەکە موهەنەد قاسم چەندین کارتی زەردی بەرامبەر یاریزانان بەرزکردەوەبۆ یاریزانان پۆلی جۆنیۆر لە دهۆک، هەروەها حەسەن عەبدولکەریم و عەلا عەباس لە زەورا.
هەرچەندە راهێنەرانی هەردوو تیپ لە دوایین خولەکەکاندا چەندین گۆڕانکارییان ئەنجامدا، بەڵام فیکەی کۆتایی بە یەکسانبوونی هەردوو لایەن لێدرا و دهۆک و زەورا هەریەکەیان خاڵێکیان بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ