یانەی نەسڕ
رووداو دیجیتاڵ
یانەی نەسڕ بەهێزەوە چووە نێو رکابەرییەکانی وەرزی نوێی خولی سعودی و جواو فێلیکس لە یەکەم یارییدا لە خولەکەدا هاتریکی تۆمارکرد.
نەسڕ لە یەکەم یارییدا لە دەرەوەی یاریگەی خۆی بووە میوانی یانەی تەعاون، دوای شەش خولەک یارییکردن جواو فێلیکس گۆڵی پێشکەوتنی تۆمارکرد و نیوەی یەکەم تەنیا ئەو گۆڵەی تێدا بینرا.
لە خولەکی 53 کریستیانۆ رۆناڵدۆ بەلێدانی سزا گۆڵی دووەمی بۆ یانەکەی تۆمارکرد.
دوای دوو خولەک، نەواف عەگیدی، گۆڵپارێزی نەسڕ ئاسیستی کرد و کینگێسلی کۆمان گۆڵی سێیەمی بۆ یانەکەی تۆمارکرد.
جواو فێلیکس لە خولەکی 67 بەلێدانێکی بەهێز گۆڵی دووەمی خۆی و چوارەمی یانەکەی لە یارییەکەدا تۆمارکرد.
سێ خولەک بەر لە تەواوبوونی کاتی ئاسایی یارییەکە، یاریزانە پۆرتوگالییەکە بۆ جاری پێنجەم تۆڕی گۆڵی خاوەن یاریگەی هەژاند و سێیەم گۆڵی خۆی لە یارییەکەدا تۆمارکرد.
نەسڕ یارییەکەی بە پێنج گۆڵی بێبەرامبەر بردەوە و یەکەم سێ خاڵی لە وەرزی نوێدا بەدەستهێنا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ