کرێکارێک لە پراگی پایتەختی سویسرا
رووداو دیجیتاڵ
بەپێی راپۆرتێکی کۆمیسیۆنی یەکێتیی ئەورووپا، شاری پراگی پایتەختی چیک باشترین شاری یەکێتیی ئەورووپایە بۆ کوالێتیی ژیان دۆزینەوەی کار، خراپترین شاری ئەورووپاش شارەکانی پالێرمۆ و ناپۆلی ئیتاڵیان.
رۆژی هەیینی لە بەرنامەی دیاسپۆرای رووداو باسی ئەو راپۆرتەی کۆمیسیۆنی یەکێتیی ئەوروپا کرا، کە تێیدا باشترین و خراپترین شاری ئەورووپا بۆ کوالێتیی ژیان و دۆزینەوەی کار تێیدا دەستنیشان کراوە.
بەپێی راپۆرتەکە، لەدوای پراگی پایتەختی چیک کە 79%ـی دانیشتووانەکەی دەڵێن دەتوانن بە ئاسانی کاریان دەستبکەوێت، لە شاری کلوی - نۆپکای رۆمانیاش 73%ـی خەڵکەکەی هەمان رایان هەیە.
دوای ئەو شارانەی باسکران، شاری براتیسلاڤای سلۆڤاکیا و میونشنی ئەڵمانیا دێن. ئینجا شاری هامبۆرگ لە ئەڵمانیا و ئۆسلۆی پایتەختی نەرویج و ستۆکهۆڵمی سوێد لەو شارانەن کە دانیشتووانیان دەڵێن، "زوو کار دەدۆزنەوە." دوای ئەوانیش وارشۆی پایتەختی پۆڵەندا دێت.
خراپترین شارەکانیش جگە لە پالێرمۆ و ناپۆلیی ئیتاڵیا، شاری ئۆڤەیدۆی ئیسپانیش دێت کە تەنیا 16%ـی خەڵکەکەی پێیانوایە بەئاسانی کاریان دۆزیوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ