هەڵەیەک روویدا! دووبارە هەوڵبدە
رووداو دیجیتاڵ
وەزارەتی دەرەوەی چین لە لێدوانێک بۆ رووداو لە پەکین رایگەیاند، بەکارهێنانی هێز لەلایەن ئەمریکاوە دژی ڤەنزوێلا و سەرۆکەکەی تووشی "حەپەسان"ـی کردوون و بە تووندی سەرکۆنەی دەکەن.
وەزارەتی دەرەوەی چین بە تۆڕی میدیایی رووداوی راگەیاند: "چین حەپەساوە و بە تووندی سەرکۆنەی بەکارهێنانی ئاشکرای هێز لەلایەن ئەمریکاوە دەکات دژی دەوڵەتێکی خاوەن سەروەری و ئەو کردەوانەی دژی سەرۆکەکەی کراون."
وەزارەتەکە دەڵێت: "ئەو کردەوە هەژموون سەپێنانەی ئەمریکا بە شێوەیەکی جیدی پێشێلکاریی یاسای نێودەوڵەتی و سەروەریی ڤەنزوێلان؛ هەروەها ئاشتی و ئاسایشی ئەمریکای لاتین و ناوچەی دەریای کاریبی دەخەنە مەترسییەوە."
لە بەشێکی دیکەی لێدوانەکەدا بۆ رووداو، چین جەخت لەوە دەکاتەوە کە "بە تووندی دژی ئەو هەنگاوانە دەوەستێتەوە" و داوا لە ئەمریکا دەکات "پابەندی یاسای نێودەوڵەتی و ئامانج و بنەماکانی پەیماننامەی نەتەوە یەکگرتووەکان بێت و کۆتایی بە پێشێلکردنی سەروەری و ئاسایشی وڵاتانی دیکە بهێنێت."
بەرەبەیانی رۆژی شەممە لانیکەم 7 تەقینەوەی بەهێز شاری کاراکاسیان هەژاند و فڕۆکە جەنگییەکان لە ئاستێکی زۆر نزمدا بە ئاسمانی پایتەختدا دەفڕین.
دواتر، دۆناڵد ترەمپ، سەرۆکی ئەمریکا رایگەیاند، هێزە تایبەتەکانی وڵاتەکەی توانیویانە نیکۆلاس مادورۆ و هاوژینەکەی لە کاراکاس دەستگیر بکەن و بیانبەنە دەرەوەی وڵات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ