هەڵەیەک روویدا! دووبارە هەوڵبدە
دیمەنی باڵەخانەکە دوای هێرشەکە. وێنە: رووداو
رووداو دیجیتاڵ
پەیامنێری رووداو لە مۆسکۆ دەڵێت، بە درۆن هێرش کراوەتە سەر باڵەخانەیەکی ئەو شارە و لێکۆڵینەوەکان ئاشکرایان کردووە کە ئەو درۆنەی هێرشی پێکراوەتە سەر باڵەخانەکە، ئۆکراینییە.
رۆژی دووشەممە، 4-5-2026، کامیز شەدادی، لە شوێنی رووداوەکە زانیاریی خستە روو و گوتی، باڵەخانەکە لە ناوەندی مۆسکۆیە و دەکەوێتە شەقامی مۆسفیلم، کە شەقامیکی کۆنی هونەرییە و 50 نهۆمە. درۆنەکە بەر نهۆمی 36ی باڵەخانەکە کەوتووە. لە رووداوەکەدا زیانی گیانی نەبووە؛ بەڵام دوو شوقە زیانی مادییان بەرکەوتووە.
پارێزگاری مۆسکۆ رایگەیاندووە، "بە گوێرەی زانیارییەکان، تائێستا رووداوەکە هیچ قوربانییەکی لێ نەکەوتووەتەوە و کەس بریندار نەبووە."
پێشتر، ڤلادیمیر پوتین، سەرۆکی رووسیا لە پەیوەندییەکی تەلەفۆنی بە ترەمپی گوتبوو: "بە بۆنەی نۆی ئایارەوە، دەتوانین ئاگربەستێک رابگەیێنین." دەگوترێت ئەو هێرشەی ئۆکراینا، وەڵامێکە بۆ ئەو قسەیەی پووتین.
کامیز شەدادی، پەیامنێری رووداو گوتیشی: "ئێستا چواردەوری باڵەخانەکە گەمارۆ دراوە و لێکۆڵینەوەکان بەردەوامن؛ هاوکات تیمەکانی بەرگریی شارستانی و ئاگرکوژێنەوە لە شوێنی رووداوەکەدا ئامادەن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ