رووداو دیجیتاڵ
لەکاتێکدا شەپۆلی گەرما تەنگی بە بەشێکی زۆری جیهان هەڵچنیوە و پلەی گەرما لە چەندین وڵاتدا ژمارەی پێوانەیی تۆمارکردووە، بەفر شارێکی ئەڵمانیای سپیپۆش کرد.
رۆژی هەینی 4-8-2023 بەفر لە شاری ریوتلینگن لە باشووری ئەڵمانیا باری. بەگوتەی بەرپرسانی ناوچەکە، لە هەندێ شوێندا 30 سانتیمەتر بەفر باریوە.
ئەو بەفرە دوای بارینی تەرزەیەکی زۆر هات، کە شەقامەکانی شارەکەی سپیپۆش کرد و شارەوانی شارەکەی ناچارکرد شۆڤڵ و بارهەڵگر بۆ راماڵین و پاککردنەوەی شەقامەکان بەکاربهێنێت.
هەرچەندە بەگوێرەی دامەزراوە کەشناسییەکانی ئەڵمانیا، ئەم هەفتەیە پلەی گەرما لە چەندین ناوچەی ئەڵمانیادا لەنێوان 19 بۆ 2 پلەی سیلیزی دەبێت، بەڵام چاوەڕوان دەکرێت نێوەڕاستی مانگی ئاب شەپۆلێکی دیکەی گەرما وڵاتەکە بگرێتەوە و پلەی گەرما بۆ سەروو 30 پلەی سیلیزی بەرزببێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ