رۆژان ئیسماعیل کچۆڵەیەکی تەمەن 7 ساڵ بوو کە لە مانگی 6ی ساڵی 1995، لە شاری کۆپنهاگن کوژرا.
رووداو دیجیتاڵ
ئەم هەفتەیە بۆ کوردی دانیمارک و خەڵکی دانیمارکیش بەگشتی تایبەت بوو. دۆسێیەکی کوشتن کە 29 ساڵە بە کراوەیی ماوەتەوە، لەلایەن پۆلیسی ئەو وڵاتەوە داخرا.
رۆژان ئیسماعیل کچۆڵەیەکی تەمەن 7 ساڵ بوو کە لە مانگی 6ی ساڵی 1995، لە شاری کۆپنهاگن بە کوژراوی لەپشت ماڵی خۆیان دۆزرایەوە. بەدرێژایی ئەو ساڵانە پۆلیس و میدیای دانیمارکی بەدوای ئەوەوە بوون بزانن رۆژان چۆن کوژراوە و کێ کوشتوویەتی.
ئێوارەیەک رۆژان بۆ یاریکردن لە دەرەوە دەبێ و لەدوای کاژێر پێنج و نیوەوە چیدیکە نابیندرێ. چەند کاژێرێک دواتر دراوسێیەک زەرفێکی پلاستیک لەنێو تەنەکەی زبڵدا دەبینێ و کە زۆرتر لێی ورددەبنەوە دەردەکەوێ تەرمی ئەو منداڵە بێگوناهەی تێدایە.
ئەم هەفتەیە پۆلیس دەڵێ بە یارمەتیی تەکنەلۆژیای نوێ و بە بەراوردکردنی دی ئێن ئەی بۆیان یەکلایی بووەتەوە کە کابرایەک ئەو کارەی کردووە کە ساڵی 2012 مردووە. بۆیەش پۆلیس دەڵێ لەم هەفتەیە دۆسێکە دادەخات و چیدیکە لێکۆڵینەوەی لەبارەوە ناکات. دەنیز بەرخوەدان، نووسەر و کەسی چالاک لەنێو دیاسپۆرای کوردی لە دانیمارک میوانمە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ