رووداو دیجیتاڵ
دۆناڵد ترەمپ، سەرۆکی ئەمریکا دەڵێت، "جەنگی ئێران کورتخایەن دەبێت" و هەڕەشەش لە سەرکردە نوێیەکانیان دەکات.
دۆناڵد ترەمپ، سەرۆکی ئەمریکا لە گوتارێکدا باسی لە جەنگی ئێران کرد و رایگەیاند، "ئێمە گەشتێکی بچووکمان دەستپێکرد، چونکە هەستمان دەکرد دەبێت ئەوە بکەین بۆ ئەوەی لە هەندێک کەس رزگارمان بێت. و پێم وایە دەبینن کە ئەوە دەبێتە گەشتێکی کورتخایەن".
لەبارەی هۆکاری هێرشکردنە سەر ئێران، دۆناڵد ترەمپ باسی لەوە کرد، "ئەگەر هێرشمان نەکردایە، لە یەک هەفتەدا هێرشیان دەکرد، 100٪ دڵنیام، ئەوان مووشەکی زۆر زیاتریان هەبوو لەوەی بیری لێدەکەیتەوە."
سەرۆکی ئەمریکا دەڵێت، "ئەوان هێرشیاندەکردە سەر ئێمە دواتر هەموو رۆژهەڵاتی نێوەڕاست، دواتر چەکی ئەتۆمییان بەدەستدەهێنا و بە چەکەکە لە ئیسرائیلیان دەدا".
سەرۆکی ئەمریکا ئاماژەی بە سەرکردەکانی ئێران کرد و رایگەیاند، "سەرکردە تیرۆریستییەکانیان کوژراون، یان کات دەژمێرن تا ئەو کاتەی دەکوژرێن، بیر لەوە بکەنەوە، چەند سەرکردەیەک هەبوون و نەماون، سەرکردەی نوێ هەبوون و ئەوانیش نەمان. ئێستا کەس نازانێت کێ دەبێتە سەرکردەی وڵاتەکە".
دۆناڵد ترەمپ لەبارەی بەردەوامبوونی هێرشەکانیان ئاماژەی بەوەدا، "کۆڵ نادەین تا ئەو کاتەی دووژمن بە تەواوی و بە شێوەیەکی یەکلاکەرەوە تێکدەشکێنرێت".
دۆناڵد ترەمپ ئاماژەی بەوەدا، "جەنگە بە زوویی کۆتایی دێت و بە کۆتاییهاتنی جیهانێکی سەلامەتمان دەبێت".
نوێدەکرێتەوە...
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ