فیلەکە و منداڵەکە. وێنە: Ruptly
رووداو دیجیتاڵ
منداڵێکی تەمەن دوو ساڵان و فیلێک لە هیندستان بوونەتە هاوڕێی نزیک و بەردەوام پێکەوە یاری دەکەن.
دایک و باوکی منداڵەکە دەڵێن پەیوەندی نێوان ئەو منداڵە و فیلەکە لە پەیوەندی نێوان ئاژەڵ و مرۆڤ ناچێت، بەڵکو رێک وەک هاوڕێیەتی دوو کەس وایە و زۆریش یەکدییان خۆش دەوێت.
منداڵەکە ناوی باهمایە و زۆربەی کاتەکانی لەگەڵ هاوڕێ 35 ساڵەکەی بەسەر دەبات . هاوڕێکەی باهما فیلێکی گەورەیە و ناوی ئوما کوتییە. باهما و ئوما کوتی پێکەوەش دەچنە دەرەوە و پیاسە دەکەن.
دایک و باوکەکە دەڵێن لەسەرەتادا زۆر ترساون کچەکەیان لە فیلەکە نزیکببێتەوە ، بەڵام دواتر سەیریان کردووە ئەم فیلە گەورەیە ئەم منداڵە بچووکەی زۆر خۆشدەوێت، بۆیە رێگەیان پێداوە زۆربەی کاتەکان لەگەڵ ئەم فیلە بمێنێتەوە و ئێستا بوونەتە دوو هاوڕێی زۆر نزیکی یەکدی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ