هەڵەیەک روویدا! دووبارە هەوڵبدە
رووداو دیجیتاڵ
رەجەب تەیب ئەردۆغان، سەرۆککۆماری تورکیا و ئیمانوێل ماکرۆن، سەرۆککۆماری فەرەنسا ئێوارەی ئەمڕۆ دووشەممە 13-10-2025 لە میسر کۆبوونەوە.
سەرۆکایەتیی پەیوەندییەکانی کۆشکی کۆماریی تورکیا رایگەیاند، سەرۆککۆماری تورکیا و هاوتا فەرەنسییەکەی لە لووتکەی ئاشتیی شەرم شێخ لە میسر کۆبوونەتەوە.
هەردوو سەرۆککۆمار لە دیدارەکەیاندا گفتوگۆیان لەسەر چەند تەوەرێک کردووە و یەکێک لەو باسانە دۆخی غەززە و ئاگربەستەکە بووە.
هەر بەگوێرەی سەرۆکایەتیی پەیوەندییەکان، ئەردۆغان جەختی لەسەر بەردەوامبوونی ئاگربەستەکە و واڵابوونی دەرگاکان بۆ گەیشتنی هاوکاری و کۆمەکیی مرۆیی کردووەتەوە، بۆ ئەوەی کۆتایی بەو تراژیدیا و قەیرانە مرۆییەی غەززە بێت. هاوکات ئاماژەی کردووە، تورکیا بێ پچڕان هاوکاری و کۆمەک دەنێرێت.
یەکێکی دیکە لەو بابەتانەی ماکرۆن و ئەردۆغان تاوتوێیان کرد، پەیوەندییەکانی پاریس و ئەنقەرە بوو و ئەردۆغان ئامادەیی وڵاتەکەی بۆ درێژەدان بە هاوئاهەنگیی نێوانیان نیشانداوە.
سەرۆککۆماری تورکیا هەروەها بە سەرۆککۆماری فەرەنسای گوتووە، چارەسەری دوو دەوڵەتی، کۆتایی بە کێشەی فەلەستین دەهێنێت.
لەدوای ئاگربەستی نێوانیان، رادەستکردنەوەی بارمتە و تەرمەکان دەستیپێکردووە.
سوپای ئیسرائیل رایگەیاند، 7 بارمتەکەیان وەرگرتووە و دەگوازرێنەوە بنکەی سەربازیی ریعيم لە باشووری ئیسرائیل بۆ ئەوەی لەوێوە دوای بینینی کەسوکاریان، بگوازرێنەوە بۆ نەخۆشخانەکانی ئیسرائیل.
وەزارەتی دەرەوەی ئیسرائیل لە راگەیێندراوێکدا ئاماژەی بەوەکردووە، پێشوازی لە گەڕانەوەی ژمارەیەک بارمتە کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ