کەمپێکی پەناخوازان لە بەلجیکا. وێنە: AFP
رووداو دیجیتاڵ
لە بەلجیکا هەوڵ هەن بۆئەوەی ئەو کۆچبەرانەی هیچ مافێکیان نەدراوەتێ، مافی مانەوە وەربگرن. هەرێمی واڵۆنیای بەلجیکا کێشەی نەبوونی کرێکاری هەیە و دەیەوێت بەو کۆچبەرانە پڕی بکاتەوە.
هەرێمی واڵۆنیای بەلجیکا لە هەوڵدایە لەگەڵ حکومەتی فیدراڵیی وڵاتەکەی بۆئەوەی کۆچبەرە بێ بەڵگەنامەکان و ئەوانەی بەبێ مافی مانەوە لەو هەرێمە دەژین، وەربگرێت. ئەوەش بەهۆی کەمیی کرێکار لەکاتێکدا هەلی کار تێیدا زۆرە.
فەرمانگەی کار و راهێنانی هەرێمی واڵۆنیا لیستی 92 پیشەی بڵاوکردووەتەوە کە لەو هەرێمەدا کرێکاری زۆرتریان پێویستە. بەتایبەتیش لە بواری بیناسازی و کارەباچێتی و گەشتیاریدا هەرێمەکە کێشەی گەورەی هەیە.
هەرێمەکە پێشنیازی ئەوەی کردووە کە جگە لە کۆچبەرە بێ بەڵگەنامەکان، ئەوانەش وەربگیرێن کە داوای مافی پەنابەری دەکرێن و لەکاتی پێشکێشکردنی داواکارییەکەیان دەردەکەوێت کە یەکێک لەو 92 پیشەیە دەزانن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ