هەڵەیەک روویدا! دووبارە هەوڵبدە
کۆچبەران لە مەکسیک.
رووداو دیجیتاڵ
کۆچبەران لە ویلایەتی چیاپاسی مەکسیک دەیانەوێت بچنە باکووری وڵاتەکە و لەوێشەوە بۆ ئەمریکا، بەڵام ترسێکی گەورەیان هەیە.
ریتسی جاکۆم، کۆچبەرە و دەڵێت: "هەموومان نیگەرانین چونکە لە 20ی مانگەوە چوونە ئەمریکا قورستر دەبێت و ناتوانین وادەی چاوپێکەوتن وەربگرین."
دۆناڵد ترەمپ، سەرۆکی هەڵبژێردراوی ئەمریکا سوێندی یاسایی دەخوات و هەڕەشەی دیپۆرتکردنەوەی ئەو پەناخوازانە دەکات کە بەنایاسایی چوونەتە ئەو وڵاتە.
بە گوێرەی میدیای ئەمریکی، پلانی ترەمپ دەبێتە هۆی دیپۆرتکردنەوەی 10 ملیۆن کەس.
ئانا ماریا، کۆچبەرێکی هندۆراسییە و دەڵێت: "زۆر دەترسین. چاوەڕێی پەڕینەوە دەکەین بەڵام بەهۆی ئیدارەی نوێی ئەمریکاوە لەوانەیە شتەکان ئاڵۆزتر بن. مانەوە لێرەش زۆر قورسە بەهۆی بوونی گرووپە تاوانکارییەکان."
بەشێک لە کۆچبەران دەڵێن، ترەمپ ئەوە جێبەجێ ناکات کە دەیڵێت.
ئانیاس رۆخاس، کۆچبەرێکی ڤەنزوێلاییە و دەڵێت: "رقم لێی نابێتەوە، بەڵام ژمارەیەک کەس هەن رقیان لە ترەمپ دەبێتەوە بەهۆی ئەوەی کە گوتویەتی. هەست دەکەم قسەکانی زیاتر سیاسین و بەو جۆرەیان دەبینم کە تەنیا قسەبن. ئەو شتانێک دەڵێت کە لەگەڵ دۆخی ئەمریکادا دەگونجێن."
بەگوێرەی دەزگای پاراستن و چاودێریکردنی سنوورەکانی ئەمریکا، لە 11 مانگی سەرەتای ساڵی 2024، ملیۆنێک و 550 هەزار کۆچبەر چوونەتە ئەو وڵاتە، لەکاتێکدا هەمان ماوەی پێرار، دوو ملیۆن و 240 هەزار کۆچبەر چووبوون.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ