رووداو دیجیتاڵ
گوتەبێژی پۆلیسی بەرلینی پایتەختی ئەڵمانیا رۆژی هەینی رایگەیاند، لە مۆنۆمێنتێکی تایبەت بە هۆڵۆکۆستی جووەکان، پیاوێک بە چەکی سپی بریندارکراوە و هێرشکارەکە دەستگیرکراوە.
نات فلۆریان، گوتەبێژی پۆلیسی بەرلین بە رۆژنامەڤانانی راگەیاند، هێرشەکە کاژێر 6:00ـی ئێوارەی رۆژی هەینی بە کاتی بەرلین (08:00ی شەو بە کاتی هەولێر) کراوە و هێرشکارەکە کاژێر 08:45 خوولەک بە کاتی بەرلین (10:45 خوولەک بەکاتی هەولێر) دەستگیرکراوە.
فلۆریان بە پەیام سەربەست، پەیامنێری رووداوی گوت، بریندارەکە گەشتیارێکی ئیسپانیی تەمەن 30 ساڵانە و بەهۆی سەختیی برینەکانییەوە، گوێزراوەتەوە نەخۆشخانە، بەڵام ژیانی لە مەترسیدا نییە و نەشتەرگەریی بۆ دەکرێت.
پەیام سەربەست لەبارەی رووداوی هێرشەکەی بەرلینەوە زانیاریی نوێی لە پۆلیسی بەرلین وەرگرتووە: کاژێر 6ـی ئێوارە پێدەچێت هێرشکارەکە بە چەقۆ هێرشی کردبێ
— Rudaw (@Rudawkurdish) February 21, 2025
نێردراوی رووداو بۆ بەرلین: ئەڵمانیا بە کاتێکی دۆخێکی هەستیار دا تێدەپەڕێت pic.twitter.com/NNTcHUAIhQ
لە وەڵامی پرسیاری رۆژنامەڤاناندا، فلۆریان باسی لەوە کرد کە جارێ نازانن لە هێرشەکەدا چەقۆ یان چ جۆرە چەکێکی دیکەی سپی بەکارهێنراوە.
بە گوتەی گوتەبێژەکە، ئەو پیاوەی بە تۆمەتی هێرشەکە دەستگیرکراوە، جارێ ناسنامەی دیار نییە.
مۆنۆمێنتەکە دەکەوێتە بەرامبەر باڵیۆزخانەی ئەمریکا و هێرشەکە تەنیا دوو رۆژ پێش هەڵبژاردنە چارەنووسسازەکەی ئەڵمانیا دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ