رووداو دیجیتاڵ
مەسرور بارزانی، سەرۆکوەزیرانی هەرێمی کوردستان لەگەڵ مارکۆ روبیۆ، وەزیری دەرەوەی ئەمریکا کۆدەبێتەوە.
ئەم ئێوارەیە دەوروبەری کاژێر 7:30 بە کاتی هەولێر، مەسرور بارزانی، سەرۆکوەزیرانی هەرێمی کوردستان گەیشتە باڵەخانەی وەزارەتی دەرەوەی ئەمریکا.
بڕیارە مەسرور بارزانی و مارکۆ روبیۆ کۆببنەوە.
دیار کوردە، بەرپرسی نووسینگەی تۆڕی میدیایی رووداو لە واشنتن رایگەیاند، مەسرور بارزانی و مارکۆ روبیۆ باس لە پەیوەندییەکانی نێوان هەولێر و واشنتن دەکەن.
🔴 بەپەلە؛ مەسرور بارزانی، سەرۆکوەزیرانی هەرێمی کوردستان گەیشتە باڵەخانەی وەزارەتی دەرەوەی ئەمریکا و لەگەڵ مارکۆ روبیۆ، وەزیری دەرەوەی ئەو وڵاتە کۆدەبێتەوە pic.twitter.com/DSyfAROQdu
— Rudaw (@Rudawkurdish) May 23, 2025
دیار کوردە ئاماژەی بەوەشکرد، سەرۆکوەزیرانی هەرێمی کوردستان و وەزیری دەرەوەی ئەمریکا تاوتوێی ئەو پرسانەش دەکەن کە جێگەی بایەخی هەردوولان، وەک دۆخی عێراق و پێشهاتەکانی ناوچەکە.
مەسرور بارزانی چەند رۆژێکە لە ئەمریکایە و کۆبوونەوەی لەگەڵ ژمارەیەک لە بەرپرسانی باڵای ئەو وڵاتە و ئەندامانی کۆنگرێس هەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ