تاقیکردنەوەی ئۆتۆمبێلەکە
رووداو دیجیتاڵ
لە بەندەری نیویۆرک لە ویلایەتی نیوجێرسی ئەمریکا؛ ئۆتۆمبێلێکی بێ شۆفێری پاککردنەوەی شەقامەکان دەسوڕێتەوە و زەوییەکە پاک دەکاتەوە. ماوەی دوو هەفتەیە ئەو ئۆتۆمبێلە لە تاقیکردنەوەدایە.
ئیگاناچیو مەکبیچ، شارەزای تەکنەلۆژیایە و دەڵێت، "ئۆتۆمبێلە باوەکانی پاککردنەوەی شەقام ئێستا تەنیا لە رۆژەکانی کارکردنی هەفتەدا کاردەکەن، ئەم تەکنەلۆژیایە یارمەتیدەر دەبێت تاوەکو ئەم خزمەتگوزارییە بۆ شەوان و رۆژانی پشووش زیاد بکەین."
ئەم ئۆتۆمبێلە رۆبۆتە لە هەموو کەشێکدا دەتوانێت شەقامەکان پاک بکاتەوە؛ بە کارەباش کاردەکات و بەراورد بە پاککەرەوە نەریتییەکان زۆر بێدەنگە.
ئانتی نیکانین، بەڕێوەبەری کۆمپانیای ترۆمبیا دەڵێت، "روون بین، ئۆتۆمبێلی بێ شۆفێری پاککردنەوەی شەقام هەمان شێوەی گسکی کارەبایی زیرەکی نێو ماڵەکانە کە هەموو کەسێک پێی خۆشە هەیبێت. ئەم تەکنەلۆژیایە زۆر هاوکار دەبێت لە خاوێنکردنەوەی شوێنە گشتییەکان."
ئۆتۆمبێلە رۆبۆتەکە لەلایەن کۆمپانیای "تۆمبیا تەکنەلۆژی"ـیەوە دروستکراوە کە کۆمپانیایەکی فینلاندییە و خێراییەکەی دەگاتە چوار کیلۆمەتر لە کاژێرێک و بە پشتبەستن بە هەستەوەری سێ رەهەندی تەنەکانی چوار دەوری جیا دەکاتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ