هەڵەیەک روویدا! دووبارە هەوڵبدە
دیمەنی رێستۆرانتەکە دوای بۆردوومانکردنی
رووداو دیجیتاڵ
ئێوارەی ئەمڕۆ رووسیا بە مووشەک هێرشیکردە سەر رێستۆرانتێک لە شاری کراماتۆسک کە نیو کاژێر دوورە لە باخمووت و بەپێی زانیاریی سەرەتایی، سێ کەس کوژراون.
بەپێی ئەو زانیارییانەی کە رووداو لە سەرچاوەیەکی نێو ئۆکرایناوە دەستیکەوتووە، ئێوارەی ئەمڕۆ سێشەممە 27-06-2023 رووسیا بە مووشەک هێرشی کردووەتە سەر رێستۆرانتێک لە شاری کراماتۆسک، کە نیو کاژێر دوورە لە باخمووت و بەپێی زانیاریی سەرەتایی سێ کەس کوژراون و 25ی دیکەش بریندارن.
بۆردوومانەکە لە کاتێکدا بووە کە رێستۆرانتەکە کڕیارێکی زۆری لێبووە.
دوای باخمووت، رووسیا دەیەوێت شارە گەورەکانی هەرێمی دۆنێتسک و لوهانسک بگرێت، کراماتۆسکیش یەکێکە لەو شارانەی کە ئامانجی رووسیایە.
بەهۆی شەڕەوە، زۆربەی رێستۆرانت و قاوەخانەکانی ئەو سنوورە داخراون، بەڵام ئەو رێستۆرانتە کراوەیە، لەبەر ئەوەشە بەو جۆرە قەرەباڵخ بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ