رووداو دیجیتاڵ
لە شاری ئاڵێن لە ویلایەتی تێکساسی ئەمریکا، تەرمی خێزانێکی چوار کەسیی کورد لەنێو ماڵەکەیان دەدۆزرێتەوە کە گومان دەکرێت سەرۆکی خێزانەکە هاوژین و منداڵەکانی کوشتبێت و دواتر خۆیشی کوشتبێت.
ئەو خێزانە کوردە سێ هەفتە بەر لە ئێستا کچێکی چوار ساڵیان لە مەلەوانگەیەک خنکاوە، پۆلیسی شاری ئاڵێن دەڵێت: باوەڕیان وایە ئەوە "هۆکارێکی" ئەو رووداوە بێت.
خێزانە چوارکەسییەکە پێکهاتوون لە فەرمان شێروانی، باوک؛ لەیلا شێروانی، دایک؛ مەتین شێروانیی تەمەن دوو ساڵ و شاهین شێروانیی تەمەن 12 ساڵ.
شاری ئاڵێن بە دووریی نزیکەی 50 کیلۆمەتر دەکەوێتە باکووری شاری داڵاسەوە. پۆلیسی شارەکە دەڵێت، ئەندامێکی خێزانەکە کاتێک گەڕاوەتەوە ماڵەوە بینیویەتی هەموو دەرگەکان داخراون و نەیتوانیوە بیانکاتەوە، بۆیە پەیوەندی بە پۆلیسەوە کردووە. پۆلیسیش دوای دوو کاژێر توانیویەتی بچێتە نێو ماڵەکەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ