هەڵەیەک روویدا! دووبارە هەوڵبدە
رووداو دیجیتاڵ
بە گوێرەی راپۆرتێک کە ناوەندی ئەنجوومەنی پەیوەندییەکانی دەرەوەی ئەمریکا بڵاویکردووەتەوە، ئەم ساڵ حکومەتی وڵاتەکەیان 3.9 ملیار دۆلاری لە کڕینی شیرینیدا خەرجکردووە بەڵام تەنیا بە بەهای 3.4 ملیار دۆلار هاوکاری وڵاتانی کردووە.
لە راپۆرتی ئەو دامەزراوەیەدا هاتووە، ساڵی 2022 ئەمریکا 17.3 ملیار دۆلاری لە هاوکاریکردنی رێکخراوە نێودەوڵەتییەکان و وڵاتاندا خەرج کرد، بەڵام تەنیا دوو ملیار دۆلاری لە کڕینی شیرینیدا خەرجکرد. ئەم ساڵ بۆ یەکەمجار خەرجیی شیرینی لە هاوکاریکردنی وڵاتان زیاتر بووە.
کەمکردنەوەی هاوکاری مرۆیی لەلایەن ئەمریکاوە بۆ وڵاتان و رێکخراوە نێودەوڵەتییەکان لە کاتێکدایە، ئەم ساڵ نەتەوە یەکگرتووەکان زۆرترین کورتهێنانی بەراورد بە ساڵانی پێشتر هەبووە.
لەو راپۆرتەدا و بە پشت بەستن بە ئامارەکانی نەتەوە یەکگرتووەکان، ئەم ساڵ رێکخراوەکە پارەی پێویستی بۆ 28٪ی پڕۆژە و ئامانجەکانی بەدەستگەیشتووە، ئەمەش کەمترینە لە ساڵی 2019ـەوە. دووەم کەمترین لە ساڵی 2023 بوو کە رێژەکە 45٪ بوو.
ئەنجوومەنەکە لە راپۆرتەکەیاندا هۆشدارییان داوە کە کەمبوونەوەی هاوکاری مرۆیی وڵاتان بۆ هاوکاریکردنی وڵاتانی دیکە حەوت وڵاتی دیکەشی لەنێو 10 گەورەترین وڵاتانی بەخشەری جیهاندا گرتووەتەوە.
لە نێوان ساڵانی 2022 بۆ 2025دا تەنیا یەکێتیی ئەورووپا و بەریتانیا هاوکارییەکانیان بۆ نەتەوە یەکگرتووەکان و ئاژانسەکانی دیکەی هاوکاریکردنی وڵاتان زیاد کردووە.
گۆڕانکاری بڕی هاوکاری 10 گەورەترین وڵاتانی بەخشەر لە نێوان ساڵانی 2022 بۆ 2025:
ئەمریکا: 81٪ کەمیکردووە
ئەڵمانیا: 76٪ کەمیکردووە
سعودیە: 41٪ کەمیکردووە
سوێد: 38٪ کەمیکردووە
ژاپۆن: 35٪ کەمیکردووە
کەنەدا: 34٪ کەمیکردووە
نەرویج: 15٪ کەمیکردووە
یەکێتیی ئەورووپا: 2٪ زیادیکردووە
بەریتانیا: 12٪ زیادیکردووە
بەپێی نەتەوە یەکگرتووەکان، پار 295 ملیۆن کەس رووبەڕووی برسێتی تووند بوونەتەوە و بەراورد بە ساڵی 2023 نزیکەی 14 ملیۆن کەس زیادیکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ