Hewlêr (Rûdaw) - Nêçîrvan Barzanî çû serdana Kargeha Şîremeniyê ya Zomê ya li navçeya Mêrgesorê ya Hewlêrê û tekezî li ser bipêşxistina sektora ajeldariyê kir.
Serokê Herêma Kurdistanê Nêçîrvan Barzanî di serdana xwe ya Kargeha Şîremeniyê ya Zomê de pesnê raman û damezirandina kargehê da û destxweşî li Mela Mistefa Barzanî kir.
Nêçîrvan Barzanî her wiha hêviya serkeftin û bipêşveçûna berdewam ji bo proje û karmendên wê xwest ku bi awayekî pîşeyî û serkeftî karên projeyê û hilberînê dikin.
Serokê Herêma Kurdistanê tekezî li ser rol û girîngiya projeyê kir ji bo peydakirina derfetên kar ji bo niştecih û gundiyên herêmê û bipêşxistina warên ajeldarî û çandiniyê li deverê.
Her wiha proje wekî xizmeteke niştimanî bi nav kir.
Mela Mistefa Barzanî kêfxweşiya xwe bi serdana Nêçîrvan Barzanî anî ziman û spasiya wî kir.
Mela Mistefa Barzanî tekezî li ser bipêşxistina projeyê kir ku karibe zêdetir xizmeta şêniyên deverê û berhemên xwecihî bike û bibe teşwîqkerek ji bo bipêşxistina hilberîn û pîşesaziya niştimanî.
#VÎDEO - Nêçîrvan Barzanî çû serdana Kargeha Şîremeniyê ya Zomê
— RudawKurdi (@RudawKurdi) August 5, 2025
Serokê Herêma Kurdistanê Nêçîrvan Barzanî ji aliyê Mela Mistefa Barzanî ve hat pêşwazîkirin#ZOM pic.twitter.com/raXSGMkvXB
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse